قىتايدا بىرنەشە ءجۇز يمام شىڭجاڭ اۆتونوميالىق اۋدانىنىڭ ورتالىق الاڭىندا فلەشموب ۇيىمداستىردى، - دەپ حابارلايدى Qamshy.kz پورتالى World Bulletin-عا سىلتەمە جاساي وتىرىم.

يمامدار ءماجبۇرلى تۇردە ورتالىق الاڭعا شىعىپ، ءدۇيىم جۇرتتىڭ الدىندا بي بيلەپ، "ءبىزدىڭ ءىلىمىمىز اللاحتان ەمەس" دەپ ۇران سالعان.

شىڭجاڭ شىعىستاعى مۇسىلماندار كوپ شوعىرلانعان اۋدان. الايدا اقپاننىڭ 9 كۇنى اۋداننىڭ بارلىق يمامدارى بىردەي كيىنىپ، ورتالىق الاڭدا ەرىكسىز بيلەۋگە، "ءبىزدىڭ ءىلىمىمىز اللاحتان ەمەس" دەگەن ۇراندار كوتەرۋگە ءماجبۇر بولعان. سونداي-اق، شىڭجاڭداعى يمامدار بيلىك وكىلدەرىنە ەندى جاستارعا ءدىندى وقىتپاۋعا ۋادە بەرىپ، ان-سۋ ىشكەن. جانە الاڭعا جينالعان يمامدار قۇلشىلىق تانگە دە، رۋحقا دا زيان دەپ ۇرانداعان.

قىتايدىڭ مەملەكەتتىك اقپاراتتىق اگەنتتىكتەرى شىڭجاڭ يمامدارى ەرىكتى تۇردە ورتالىق الاڭعا جينالدى. ولاردىڭ ماقساتتارى اتالمىش فلەش-موب ارقىلى قىتايدىڭ مەملەكەتتىك ساياساتىن قولداپ، جاھاندانۋ جولىندا جاستارعا ۇلگى كورسەتتى دەپ جازادى.

يمامدار كوتەرگەن ۇرانداردا "ەلدەگى تىنىشتىق تەك ىنتىماقتىڭ ارقاسىندا كەلەدى" دەلىنگەن.

سونداي-اق، ءدۇيىم جۇرتتىڭ الدىندا ءسوز العان يامامدار: "جاستار، مەشىتتەردەن اۋلاق بولىڭدار، سەبەبى قۇلشىلىق، ناماز دەنساۋلىققا، جاستاردىڭ ساناسىنا زيان." دەگەن. سالاۋاتتى ءومىر سالىتىنىڭ ناعىز ۇلگىسى بي دەگەن يمامدار ورتالىق الاڭدا وسىلايشا جاستارعا ۇلگى كورسەتپەك بولعان.

شىڭجاڭنىڭ سولتۇستىك-باتىسىنداعى تۇركىتىلدەس مۇسىلمانداردىڭ سانى 8 ميلليوننان اسىپ جىعىلادى.

ەرالى راحمەتقوجايەۆ