قازاقتىڭ كاسىپقوي بوكستاعى كوپشىلىككە تانىمال قىراندارى، ياعني قانات يسلام مەن جانقوش تۇراروۆ قايتادان اقش-قا ۇشىپ كەلىپ، فلوريدا شتاتىندا جاتتىعۋ جۇمىستارىن باستادى.

بيىل 30 جاستاعى قانات يسلام مەن 24 جاستاعى جانقوش تۇراروۆ كاسىپقوي بوكس رينگىندە ءتورت جەكپە-جەكتەن وتكىزۋدى جوسپارلاپ وتىر. ەكەۋىنىڭ چەمپيوندىق اتاق پەن بەلبەۋ ءۇشىن وتكىزەتىن جەكپە-جەكتەرىن مىڭداعان جانكۇيەرلەر مەن فاناتتار تاعاتسىز كۇتۋدە. ەستەرىڭىزگە سالا كەتەيىك، ەكى بوكسشىمىز دا – لاتىن امەريكاسى مەن كاريب باسسەينى ەلدەرىنىڭ قۇرلىقتىق چەمپيوندىق بەلبەۋلەرىنىڭ يەگەرلەرى.

ەكى بوكسشىمىزدىڭ دا جانكۇيەرلەرى مەن فاناتتارىنىڭ يگى تىلەكتەرىن ولاردىڭ الەۋمەتتىك جەلىلەردەگى پاراقشالارىنان وقۋعا بولادى. ءبارى دە قوس بوكسشىمىزدى قولداپ، جۇرەكجاردى تىلەكتەرىن جاۋدىرتۋدا.

قانات يسلامنىڭ لاقاپ اتى – "قازاق". الايدا ءىس جۇزىندە حالىق ونى "قازاق باتىرى" دەپ اتايدى. ال جانقوش تۇراروۆتىڭ فاناتتارى وعان "شىڭعىس حان" دەپ ايدار تاقسا، بازبىرەۋلەرى "مۇستافا" دەپ اتاپ ءجۇر.

سونىمەن قانات پەن جانقوش فلوريدا شتاتىندا جاتتىعۋ جۇمىستارىن باستا كەتتى. ءبىز ولاردىڭ قازاق حالقىن قۋانتىپ، جەڭىسكە جەتە بەرۋلەرىنە تىلەكتەسپىز.

دەرەككوز: "الاش ايناسى"