الەۋمەتتىك جەلىلەردە 10 تاۋلىك بۇرىن جوعالعان 16 جاستاعى ايتولقىن ەرجان ىزدەستىرىلىپ جاتقانى جايلى اقپارات تاراتىلدى.

"دوستار، 12.05.1998 جىلى تۋعان ايتولقىن ەرجان 2 اقپاندا الماتى قالاسىنداعى ۇيىنەن شىعىپ، قايتا ورالمادى. ول "سىمبات" كوللەدجىنە كەتكەن، وقۋدان كەيىن ونى ساعات 15.30-دا قونايەۆ جانە جىبەك جولى كوشەلەرى قيىلىسىنداعى ايالدامادا قۇربىلارى كورگەن. قۇربىلارىنىڭ سوزىنە قاراعاندا، ايتولقىن "ساياحاتقا" قاراي بەت العان، - دەلىنگەن حابارلامادا.

ىزدەستىرىلىپ جاتقان قىزدىڭ بويى 165-168 سم، سىمباتتى، كوزى قوڭىر، شاشى يىققا دەيىن، قوڭىرلاۋ. كۇلگىن كۋرتكا مەن قىزىل جولاعى بار جاسىل شاپكا (كيىمى فوتوداعىداي)، قارا ريۋكزاك، كوك دجينسى جانە قارا ۋگگي كيگەن.

الدىن الا بولجام بويىنشا، قىز باراحولكا اۋماعىندا جۇمىس ىستەيتىن 1996 جىلى تۋعان مۇرات ناۋرىزبەكوۆپەن كەزدەسۋگە كەتكەن. ونىمەن "درۋگۆوكرۋگ" الەۋمەتتىك جەلىسى ارقىلى تانىسقان كورىنەدى.