قازاق حاندىعىنىڭ 550 جىلدىعىنا ارنالعان ءمۇشايراعا

 

تاۋەلسىزدىك ارداعىم ، جۇرەگى ايدىن، مىناۋ ساعان ايتاتىن ءور شىندىعىم. قۇرىپ كەتسىن، توزبەسپىن، جۇرە المايمىن، جەر باسىپ سەنسىز ءبىر كۇن. تاۋەلسىزدىك، قىمباتسىڭ وسى الا تاڭ، بويدا بولار سەن باردا تىرەك، سەنىم. ءجۇرمىن جايىپ اللاعا قوس الاقان، بۇتىندىگىن ىرگەڭنىڭ تىلەپ سەنىڭ. تاۋەلسىزدىك باقىتىم، قاسيەتتىم، شۋاعىڭنىڭ توگە بەر كوپكە نۇرىن. مەيلى، مەيلى جۇزدەگەن عاسىر ءوتسىن، تۇرا بەرسىن جەلبىرەپ كوكتە تۋىڭ. تاۋەلسىزدىك سەن الار اسقار الدا، بولا بىلگەن وزگەگە جانقيار باۋىر. ءزابىرى جوق ەل ەدىك باسقالارعا، بىزگە پانا بولا گور الديار ءتاڭىر. تاۋەلسىزدىك اڭسارىم، جارقىن، قۇتتى، باقىتىمسىڭ قاشان دا كۇلىمدەگەن. ءناسىپ ەتىپ ماڭدايعا تاتۋلىقتى، قاق پەرىشتەم مەزگىلسىز بۇلىنگەننەن. تاۋەلسىزدىك عۇمىرىم، تاعدىرىمدى، الاۋلانىپ باستادىم سەندە ۇمىتپەن. كەشىر كۇنىم بىلمەسەم ءقادىرىڭدى، كەيبىر شاقتا جەلپىنىپ پەندەلىكپەن. تاۋەلسىزدىك قورعاشتاپ يەم سەنى، ريزامىن جانايىن وتقا قانشا. تاۋەلسىزدىك جارقىنىم سۇيەم سەنى، شىبىن جاننىڭ ساعاتى توقتاعانشا.   ارىما تيمە، ابايلا ۇلتىما بولساڭ جاۋ، دۇشپان، تاريحىن وتكەن ەلەمەي. تيەگى سۇيەك ادىرنادان ۇشقان، قادالام ساعان جەبەدەي. الساڭ دا كيىپ كىرەۋكە، اجالىڭ مەنەن ءبارىبىر. باۋلىعان مەنى بۇل ولكە، سومدالعام سولاي ءتانى ءمىر. وجدانىم جاسىن، نايزاعاي، جاۋلارىم قالعان يمەنىپ. نامىسىم وتكىر نايزاداي، كەتەرسىڭ، بايقا، تۇيرەلىپ. باباسى قاعان، بىلگە بەك، تاۋ - تاسقا جازعان سان داستان. تاستايمىن، بايقا، تىلگىلەپ. اشۋىما تيمە الداسپان. كىم ەكەنىن ۇقساڭ تەگىمنىڭ، داۋىرلەر وتكەن مىڭداعان. تابانعا تيسە تەبىنگىم، تەبىرەنىپ سالار ءدۇر دالام. ساداقا بولعان ەلىنە، ەرلەرى ادال، ءدىلى كەڭ. تارتپاساڭ بىزدە تەگىڭە، جۇمىرتقاسىڭ شىرىگەن. بولعانمەن سانى از-اق، تىم، ءداستۇرىن، سالتىن، جولدى ۇققان. جانى بار ءاربىر قازاقتىڭ، مايدانگەر بولاتىنى سوندىقتان. مۇقيات  قويشىباي ۇلى – 1984 جىلى  2 ماۋسىم كۇنى قحر، ىلە قازاق اۆتونوميالىق وبلىسى، تەكەس اۋدانىندا  دۇنيەگە كەلگەن. 2005 جىلى اتامەكەنگە ورالعان. ى.التىنسارين  اتىنداعى ارقمپي ءتاماماداعان. قالالىق، وبلىستىق جىر بايگەسىنىڭ بىرنەشە دۇركىن جەڭىمپازى. قازىرگى تاڭدا ارقالىق قالاسىنداعى وبلىستىق «دالا  ولكەسى تاريحى» مۇراجايىنىڭ عىلىمي قىزمەتكەرى.