ەلباسىمىزدىڭ كەشەگى تاعاناق كەڭەستە ايتقان "ءبىز رەسەيمەن بىرگە وركەندەيمىز..." دەگەن پىكىرىن جۇرت جاپا-تارماعاي سىن تەزىنە الىپ جاتىر. "ويباي، مىنادان كەيىن ورىس باسقا شىعىپ كەتەتىن بولدى" دەگەن رەزەرۆاسيالىق ۇلتشىلدىق قىلاڭ بەرۋدە. ەتاتيستىك مەملەكەت بولامىن دەپ ماقسات قويعان ەل ءۇشىن ۇلتشىلدىق قاشاندا كەرەك. سوندىقتان، مارعاۋ بيلىكتى ۇلتتىق مۇددەمەن ساناستىرۋ ءۇشىن بەلگىلى ءبىر دەڭگەيدە ۇلتشىلدىق ويىنداردىڭ جاسالعانى دۇرىس-اق. دەگەنمەن، كەيدە بايبالامشىل مىنەز ساياسي كورسوقىرلىققا ۇرىندىرىپ جاتاتىنىن دا قاپەردە ۇستاساق. مەنىڭ جەكە پىكىرىم: "كولىگىڭ كوپىردەن وتكەنشە ەشكىنى - اپا، تەكەنى - جەزدە" دەۋگە ءماجبۇرمىز. تەرىسكەيدەگى جوعىمىزدى تۇگەندەيىك، قازاقتىڭ قاراسى ارتسىن. ءال-اۋقاتىمىز ءھام اسكەري كۇشىمىز جەتىلسىن. ودان كەيىن اجداھانىڭ ايبات شەككەنىنە، ايۋدىڭ اقىرعانىنا پىسقىرماۋعا دا بولادى.

مۇقان يساحان، (Facebook پاراقشاسىنان)