اتاجۇرتتى اڭساپ كەلىپ جاتقان ەتنيكالىق قازاقتار ەندى استانا مەن الماتىدا تۇرا المايتىن بولدى. ەكى ءىرى مەگوپوليستە ورالماندار مارتەبەسىن بەرۋ ۋاقىتشا توقتاتىلدى.

وزگە ايماقتاردا ورالمان مارتەبەسىن الۋ وڭايىراق بولسا دا، ەكى باس قالادا تۇراقتاپ قالعىسى كەلەتىندەردىڭ سانى كوپ.

استانا مەن الماتىدا تۇراقتاپ قالعىسى كەلەتىندەر ءۇشىن جاڭا تالاپتار قويىلدى: ولار كەم دەگەندە 4 جىل ءبىر مەكەن جايدا تۇرۋى ءتيىس جانە ەسەپ-شوتتارىندا 2،6 ملنتەڭگە اقشالارى بولۋلارى شارت، دەپ حابارلايدى الماتى تەلەارناسى.

"الماتى قالالىق ءىىد كوشى-قون پوليسياسىنىڭ مالىمەتىنشە، 2013 جىلى قالادا 8 مىڭنان استام ەتنيكالىق قازاقتار تىركەلگەن. ال 2014 جىلى بۇل كورسەتكىش ەكى ەسەلەپ وسە ءتۇستى. بىلتىر 15 مىڭنان استام ەتنيكالىق قازاقتار كەلىپ، ۋاقىتشا تىركەۋگە تۇرعان. 2015 جىلدىڭ ءبىر ايىندا، قاڭتار ايىندا ولاردىڭ سانى 838-گە جەتتى"، -  دەيدى الماتى قالالىق ءىىد باسپا ءسوز قىزمەتىنىڭ جەتەكشىسى سالتانات ازىربەك. "الماتى" كانالى