كەشە قازاقستاننىڭ تۇركياداعى ەلشىسى جانسەيىت تۇيمەبايەۆ تۇركيانىڭ كەدەن جانە ساۋدا ءمينيسترى نۋرەتتين جانىكلىمەن كەزدەستى. بۇل تۋرالى Qamshy.kz پورتالى حابارلايدى "Kazakistan haber.tr " سايتىنا سىلتەمە جاساي وتىرىپ.
كەزدەسۋ بارىسىندا ەكى جاقتىڭ وكىلدەرى دە قازاىرگى تاڭداعى قازاقستان مەن تۇركيا اراسىندا ىنتىماقتاستىقتىڭ جوعارى دەڭگەيگە جەتكەنىن اتاپ ءوتتى. سونداي-اق ەكى ەل اراسىنداعى يمپورت جانە ەكسپورت اينالىمىنىڭ كورسەتكىشىن ارتتىرۋ ءۇشىن قولدا بار رەسۋرستاردىڭ تولىقتاي پايدالانۋ ماسەلەلەرىن ءسوز ەتتى.
قازىرگى ەكونوميكالىق تۇراقتىلىقتى ساقتاپ، ءوزارا بايلانىستى ارتتىرۋ ءۇشىن ەكى ەلدىڭ كەدەندىك باقىلاۋ ءجۇيسىن ءبىر پلاتفورماعا ەنگىزۋ، ءوزارا تاجيىربيە الماسۋ سەكىلدى ءبىرقاتار ماسەلەلەر تالقىلاندى.
سونىمەن قاتار تۇرىك ءمينيسترى ن.جىنىكلى تۇركيان پرەزيدەنتى رەجەپ تايىپ ەردوعان ءوزىنىڭ قازاقستاندىق ارىپتەسىمەن ەكى ەل اراسىنداعى ءبىرقاتار ماسەلەلەردى تالقىلاۋ ماقساتىندا رەسمي استاناعا كەلەتىنىڭ مالىمدەدى.
تۇركيانىڭ كەدەن جانە ساۋدا ءمينيسترى نۋرەتتين جىنىكلى "قازاقستان-تۇركىمەنستان-يران" تەمىرجولى ىسكە قوسىلسا قازاقستان مەن تۇركيا اراسىنداعى يمپورت پەن ەكسپورت ارتا تۇسەتىنىن ايتتى.
جۋىردا عانا تۇركيا سىرتقى ىستەر ءمينيسترى احمەت داۆۋتوگلىنىڭ قازاقستانداعى تۇرىك ليسەيلەرىن جابۋ تۋرالى رەسمي مالىمدەمەسىنە ق ر ءبىلىم جانە عىلىم ءمينيسترى جاۋاپ رەتىندە قازاقستانداعى اتالمىش مەكتەپتەردىڭ جابىلمايتىنىن ايتقان بولاتىن. سوندا دا ەل ىشىنە تاراعان قاۋەسەت ءالى ءوز كۇشىن جويىپ ۇلگەرمەي جاتىپ، تۇرىك پرەزيدەنتى قازاقستانعا كەلەتىنىن مالىمدەدى. ەردوعاننىڭ ەلورداعا بۇل ساپارىنىڭ استارىندا نە جاتىر ەكەن؟
ەرالى راحمەتقوجايەۆ
