ءقازىر ۇكىمەتتە وڭتۇستىكتەگى قازاقستاندىقتاردى جاپپاي سولتۇستىككە كوشىرۋ ماسەلەسى تالقىلانۋدا دەپ حابارلايدى

پورتالى. قازاقستاندىقتاردىڭ ۇلى كوشىن قايتا تىرىلتۋگە سوڭعى جىلدارى سولتۇستىك تۇرعىندارى سانىنىڭ كۇرت ازايۋ سەبەپ بولعان. وسىعان بايلانىستى دەنساۋلىق ساقتاۋ جانە الەۋمەتتىك دامۋ مينيسترلىگىندە ارنايى زاڭ جوباسى ازىرلەنۋدە. قازىرگى تاڭتاعى رەسمي ستاتيستيكا كورسەتكەندەي قازاقستاندا جىلىنا 300 مىڭ ادام باسقا وبلىستارعا، اۋداندار مەن جەرگىلىكتى مەكەندەرگە قونىس اۋدارادى ەكەن. ەندى وسى كوشى-قوندى ءبىر رەتكە كەلتىرۋ ءۇشىن مينيسترلىكتەگىلەر  ارنايى زاڭ جوباسىن ازىرلەۋدە. بۇل ماسەلەنى ءقازىر قولعا الماسا، الداعى ۋاقىتتا سولتۇستىك قازاقستاندىقتاردىڭ سانى 1 ميلليون ادامعا قىسقارىپ، كەرىسىنشە وڭتۇستىكتىڭ تۇرعىندارى بىردەن 5 ميلليونعا ءوسۋى مۇمكىن. سوندىقتان قازاقستاننىڭ ءار ايماقتارىنداعى ديسبالانستى رەتتەۋ ءۇشىن ازىرلەنەتىن زاڭ جوباسى ماڭىزدى بولماق. ەسكەرتە كەتەرلىك ءبىر جايت، تۇرعىنداردىڭ ەركىنەن تىس، كۇشپەن ەشكىمدى كوشىرمەيدى. جاڭا ازىرلەنەتىن زاڭ جوباسىندا ەرىكتى كوشۋگە كەلىسكەن ادامدارعا ءتۇرلى الەۋمەتتىك جەڭىلدىكتەر مەن كەپىلدى جۇمىس ورىندارى، مەكتەپ ءبىتىرۋشى تۇلەكتەرگە جوو ءتۇسۋ مۇمكىندىكتەرى، سونداي-اق، باسپانا ماسەلەلەرى قامتىلعان. سونداي-اق، شەت ەلدەن اتاجۇرتقا كەلگەن قانداستارعا "ورالمان" كۋالىگىن الۋ جەڭىلدىكتەرى دە قاراستىرىلۋدا. "ءبىز ءبىرىنشى كەزەكتە ەشكىمدى قيناپ كوشىرمەيمىز. ءوز ەركىمەن قالاعان ادامدارعا تۇراقتى جۇمىس،باسپانا، الەۋمەتتىك جەڭىلدىكتەرمەن تولىقتاي قامتامسىز ەتەمىز،"-دەيدى  ق ر دەنساۋلىق ساقتاۋ جانە الەۋمەتتىك دامۋ تامارا دۇيسەنوۆا.