ەلوردا كوشەلەرىنىڭ بىرىنە "ادامزاتتىڭ ايتماتوۆى" اتانعان جازۋى شىڭعىس  تورەقۇل ۇلىنىڭ ەسىمى بەرىلەتىن بولدى. بۇل تۋرالى Qamshy.kz  پورتالى استانا قالاسى اكىمدىگىنىڭ سايتىنا سىلتەمە جاساي وتىرىپ حابارلايدى.

 "الداعى ۋاقىتتاردىڭ بىرىندە قازاقستاننىڭ باس قالاسىندا الەمگە ايگىلى جازۋشى شىڭعىس ايتماتوۆتىڭ اتىمەن اتالاتىن كوشە پايدا بولادى،"- دەپ "قازاقستان اسسامبلەياسى: قۇرىلدىڭ تاريحي ماڭىزدىلىعى اتا جيىندا "قىرعىزستان-استانا" ەتنومادەني بىرلەستىگىنىڭ جەتەكشىسى شاۆقات يسمايلوۆ مالىمدەمە جاسادى.

   -ايتماتوۆقا استانادا كوشە بەرۋ ماسەلەسى ۇكىسەتتە بەكىتىلگەن. تەك ادىلەت مينيسترلىگىنىڭ تىركەۋ تۋرالى كۋالىگى عانا قالدى. كوشەنىڭ اشىلۋى ءراسىمى سالتاناتتى تۇردە وتەتىن بولادى. بۇل باۋىرلاس ەكى ەلدىڭ ىنتىماعى مەن ەلباسىمىز ن.ءا.نازاربايەۆتىڭ جازۋشىعا دەگەن ۇلكەن ىقىلاستى جۇرەگى دەپ تۇسىنەمىن-دەدى ش.يسمايلوۆ.

  كەيبىر دەرەكتەرگە سۇيەنسەك، ءبىر عانا استانانىڭ وزىندە 6 مىڭعا جۋىق، جالپى قازاقستان بويىنشا 27 مىڭنان استام قىرعىز دياسپوراسى تىركەلگەن ەكەن.

 كسرو مەملەكەتتىك سىيلىعىنىڭ ءۇش مارتە يەگەرى شىڭعىس تورەقۇل ۇلىنىڭ "العاشقى ۇستاز"، "قوش بول، گۇلسارى"، "عاسىردان دا ۇزاق ءتۇن" سەكىلدى تانىمال شىعارمالارى جازۋشىنى الەمگە ايگىلى ەتتى. جازۋشى كوزى ءتىرى بولسا بيىل 87 جاسقا تولار ەدى. شىڭعىس ايتماتوۆتىڭ تەك قىرعىز ادەبەتىنە عانا ەمەس، قازاق ادەبيەتىنىڭ كەمەلدەنۋىنە قوسقان ۇلەسى زور.