رەسمي استانا 2022 جىلعى وليمپيادا ويىندارىن وتكىزۋدەن باس تارتتى. بۇل تۋرالى Qamshy.kz پورتالى حابارلايدى.

2022 جىلى وليمپيادا ويىندارى قازاقستاندا،  استانا جانە الماتى  قالالارىندا وتكىزىلەدى دەپ جوسپارلانعان. الايدا، وليمپيادانى وتكىزۋگە رەسمي استانا قاتىسپايتىن بولدى دەيدى "الماتى 2022" وليمپيادا ويىندارىنىڭ ۇيىمداستىرۋ كوميتەتى ۆيسە-پرەزيدەنتى اندرەي كريۋكوۆ.

ال وسى سەنبى كۇنى حوك (حالىقارالىق وليمپيادا كوميتەتى) مۇشەلەرى وليمپيادا ويىندارى نىساندارىن، دايىندىق جۇمىستارىن باعالاۋ ءىسىنى كىرىسىپ تە كەتكەن.

2014 جىلدىڭ جەلتوقسان ايىندا ەلباسى نۇرسۇلتان ءابىش ۇلى وليمپيادا ويىندارىن وتكىزۋ قۇقىعى قازاقستانعا بەرىلەتىن بولسا،  ەكى قالادا بىردەي وتكىزۋىمىز كەرەك. قالالاردىڭ اراسى 1،2 مىڭ شاقىرىم بولعانىمەن، بۇل ەشقانداي كەدەرگى كەلتىرمەيدى دەگەن بولاتىن.

قازىرگى تاڭدا وليمپيادا ويىندارى وتكىزىلۋى ءتيىس 14 نىساننىڭ 8ء-ى قولدانىسقا تولىعىمەن دايىن. تاعى 3 بىردەي نىسان 2017 جىلى قولدانىسقا بەرىلەتىن بولادى.

حالىقارالىق وليمپيادا كوميتەتىنىڭ باعالاۋ كوميسسياسى مۇشەلەرى ناۋرىز ايىنىڭ 24-28 ارالىعىندا  وليمپيادا ويىندارىن وتكىزۋگە ۇمىتكەر ەكىنشى قالا - بەيجىڭگە اتتانادى. ال، وليمپيادا ويىندارىن وتكىزۋ قۇقىعىنىڭ قاي قالاعا بەرىلەتىنى 31 شىلدەدە كۋالا-لۋمپۋردا وتەتىن حالىقارالىق وليمپيادا كوميتەتىنىڭ كەزەكتى سەسسياسىندا بەلگىلى بولماق.