"قازاق حاندىعىنىڭ 550 جىلدىعىنا" ارنالعان رەسمي لوگوتيپ شىقتى، - دەپ حابارلايدى Qamshy.kz پورتالى.

شاڭىراق – مەملەكەتتىڭ تۇپ-نەگىزى – وتباسىنىڭ بەينەسى.

شاڭىراق – كۇن شەڭبەرى. اينالعان كۇن شەڭبەرىنىڭ قوزعالىستاعى سۋرەتى ىسپەتتى، شاڭىراق – كيىز ءۇيدىڭ كۇمبەزى كوشپەلى تۇركىلەر ءۇشىن ءۇيدىڭ، وشاقتىڭ، وتباسىنىڭ بەينەسى دەلىنگەن لوگوتيپ تۋرالى تۇسىنىكتەمەدە.

نۇرعا مالىنعان التىن كۇن تىنىشتىق پەن بايلىقتى بەينەلەيدى. كۇن – قوزعالىس، دامۋ، وسىپ-وركەندەۋدىڭ جانە ءومىردىڭ بەلگىسى. كۇن – ۋاقىت، زامانا بەينەسى. قاناتىن جايعان قىران قۇس – بار نارسەنىڭ باستاۋىنداي، بيلىك، ايبىندىلىق بەينەسى. ۇلان-بايتاق كەڭىستىكتە قالىقتاعان قىران قر-نىڭ ەركىندىك سۇگىش اسقاق رۋحىن، قازاق حالقىنىڭ جان-دۇنيەسىنىڭ كەڭدىگىن پاش ەتەدى.

كوك ءتۇس جانە ونىڭ ءتۇرلى رەڭكى ادالدىق، سەنىمدىلىك، ءۇمىت سياقتى ادامگەرشىلىك قاسيەتتەرگە ساي كەلەدى. ەجەلگى تۇركى تىلىندە “كوك” ءسوزى اسپان دەگەن ۇعىمدى بىلدىرەدى. كوك ءتۇس تۇركى حالىقتارى ءۇشىن قاسيەتتى ۇعىم. كوگىلدىر ءتۇس قازاقستان حالقىنىڭ جاڭا مەملەكەتتىلىككە ۇمتىلعان نيەت-تىلەگىنىڭ تازالىعىن، اسقاقتىعىن كورسەتەدى دەپ قورىتۋعا بولادى.