قازىرگى كۇندە ۇيالى تەلەفون پايدالانبايتىن ادام كەمدە-كەم. ال سول سىمتەتىكسىز بايلانىستىڭ قاشان ومىرگە كەلگەنىن بىلەسىز بە؟ ۇيالى تەلەفون ارقىلى العاشقى بايلانىس 1973 جىلى 3 ساۋىردە باستالعان ەكەن. ونى Motorola كومپانياسىنىڭ قىزمەتكەرى، ۇيالى تەلەفوندى ويلاپ تاپقان مارتين كۋپەر ومىرگە اكەلگەن. ول العاشقى قوڭىراۋدى ءوزىنىڭ باسەكەلەسى دجوەل ەنگەلگە شالعان. ونىڭ جۇمىس تەلەفونىنا حابارلاسقان مارتين: «مەنىڭ قايدان تەلەفون سوعىپ تۇرعانىمدى بىلەسىڭ بە؟ مەن ءوزىمنىڭ جاساپ شىعارعان ۇيالى تەلەفونىمنان حابارلاسىپ تۇرمىن» دەگەن ەكەن.  كەيىننەن ءبىر سۇحباتتا مارتين كۋپەر: «سول كەزدە دجوەلدىڭ نە دەپ جاۋاپ بەرگەنى ەسىمدە جوق. تەك ءتىسىنىڭ سىقىرلاعانى ەسىمدە قالىپتى»،- دەگەن ەكەن. العاشقى تەلەفوننىڭ سالماعى 1،15 كەلى بولعان. ال ونىڭ باعاسى 4000 اقش دوللارىنا دەيىن جەتكەن. khabar.kz