الماتى وبلىسى بورالداي كەنتىندە ورنالاسقان 55065 اسكەري ءبولىمىنىڭ بۇرىنعى كومانديرى، اسكەري پولكوۆنيك مىرزابەكوۆ اباي دانابەك ۇلى وزىنە ءوزى قول جۇمساعان دەپ حابارلايدى  Qamshy.kz  پورتالى . بۇل تۋرالى ق ر قورعانىس مينيسترلىگى جازدى.

سوڭعى جىلدارى قازاقستاندا جوعارعى شەندى اسكەريلەردىڭ  اراسىندا وزىنە ءوزى قول جۇمساۋ فاكتىلەرى جيىلەپ كەتتى.  بارىندە ءبىر سەناريي. ولەر الدىندا حات جازىپ قالدىرۋ. مىسالى، كۇنى كەشە عانا ق ر قورعانىس مينيسترلىگى الدىندا ءوزىن ءوزى جارىپ جىبەرگەن اسكەريدىڭ ءىسى تولىق قارالىپ، قورىتىندىسى شىعىپ ۇلگەرمەي جاتىپ، بۇگىن الماتى وبلىسىنان قارالى حابار كەلدى.

الماتى وبلىسى، بورالداي كەنتىندە ورنالاسقان 55065 اسكەري ءبولىمىنىڭ بۇرىنعى كومانديرى، اسكەري پولكوۆنيك مىرزابەكوۆ اباي دانابەك ۇلى وزىنە ءوزى قول جۇمساعان.

ءقازىر وقيعا ورنىندا ق ر ىشكى ىستەر مينيسترلىگىنىڭ اسكەري-تەرگەۋ باسقارماسى مەن اسكەري پروكۋراتۋرا قىزمەتكەرلەرىنەن قۇرىلعان جەدەل-تەرگەۋ توبى جۇمىس ىستەۋدە.

قازا تاپقان پولكوۆنيك مىرزابەكوۆ ولەر الدىندا حات جازىپ قالدىرعان. ازىرگە حات مازمۇنى تەرگەۋ جۇمىسىنىڭ مۇددەسىنە سايكەس جاريالانبايدى. پولكوۆنيكتىڭ وزىنە ءوزى قول جۇمساۋ سەبەپتەرى  تەرگەۋ اياقتالعان سوڭ جاريالاناتىن بولادى.