كاسىپقوي بوكستا ب ا ق سىناپ جۇرگەن وتانداسىمىز قانات يسلام «WBA International» بەلبەۋى ءۇشىن جەكپە-جەك وتكىزبەيتىن بولدى. 1 ناۋرىز كۇنى ماسكەۋدە ءوتۋى ءتيىس بولعان كەزدەسۋ قارجى ماسەلەسىنە بايلانىستى ءوز شەشىمىن تاپپاي قالدى.
قانات يسلام ءىرى اتاق ءۇشىن ارگەنتينالىق گۋيدو نيكولاس پيتتومەن جۇدىرىق ءتۇيىستىرۋى ءتيىس بولاتىن. كەزدەسۋ 12 راۋندقا جوسپارلانىپ، ورتا سالماقتا «WBA International» اتاعى ساراپقا سالىنادى دەپ كۇتىلگەن ەدى. ءبىراق قانات يسلامنىڭ پروۋموۋتەرى نەلسون لوپەس قاجەتتى قارجىنى تابا الماعان. سونداي-اق ماسكەۋدە جانقوش تۇراروۆ پەن ۆەنەسۋەلالىق فرانكلين ۆارەلا اراسىنداعى كەزدەسۋ دە قارجى ماسەلەسىنە بايلانىستى وتپەيتىن بولدى.
بيىل 30 جاستاعى قانات يسلام مەن 24 جاستاعى جاڭقوش تۇراروۆ كاسىپقوي بوكس رينگىندە ءتورت جەكپە-جەكتەن وتكىزۋدى جوسپارلاپ وتىر ەكەن. ەكەۋىنىڭ چەمپيوندىق اتاق پەن بەلبەۋ ءۇشىن وتكىزەتىن جەكپە-جەكتەرىن مىڭداعان جانكۇيەرلەر تاعاتسىز كۇتۋدە. ەندىگى كەزدەسۋلەرى ناۋرىز ايىنىڭ سوڭىنا قاراي ءوتۋى مۇمكىن. ەستەرىڭىزگە سالا كەتەيىك، ەكى بوكسشىمىز دا – لاتىن امەريكاسى مەن كاريب باسسەينى ەلدەرىنىڭ قۇرلىقتىق چەمپيوندىق بەلبەۋلەرىنىڭ يەگەرلەرى.
