قازاقستاندىقتار اكىمشىلىك پوليسيا قىزمەتكەرلەرىنىڭ ارەكەتتەرىن ۇيالى تەلەفون نەمەسە باسقا دا گادجەت كومەگىمەن ءتۇسىرىپ الۋلارىنا بولادى، دەپ حابارلادى ءىىم اكىمشىلىك پوليسيا كوميتەتىنەن.

"ەگەر پوليسەيلەردىڭ ارەكەتتەرى اكىمشىلىك قۇقىق بۇزۋشىلىق تۋرالى كودەكستىڭ 21 بابىمەن رەتتەلەتىن اكىمشىلىك بۇزۋشىلىق ىستەرى بويىنشا ءوندىرىستى جۇرگىزۋمەن بايلانىستى بولماسا، اكىمشىلىك پوليسەيلەردىڭ ارەكەتىن فوتو- جانە بەينە تاسپاعا جازىپ الۋعا زاڭمەن تىيىم سالىنبايدى"، - دەلىنگەن سەيسەنبى كۇنى 365info.kz سايتىندا جاريالانعان حاباردا.

ق ر اقبتك 21 بابى بويىنشا ەگەر ىستە مەملەكەتتىك قۇپياعا قاتىستى، سونداي-اق ءومىردىڭ توسەككە قاتىستى، اشىنالىق، جەكە ومىرگە قاتىستى، كوممەرسيالىق نەمەسە زاڭمەن قورعالاتىن قۇپياعا قاتىستى مالىمەتتەر بولاتىن بولسا، ول جەردە فوتو- بەينەتاسپاعا تۇسىرۋگە تىيىم سالىنادى.

مىسالى، جەكە الماسىلعان حابارلار، تەلەگرافتىق حابارلار تەك وسى سۇحباتتى جۇرگىزگەندەردىڭ كەلىسىمىمەن عانا جاريا ەتىلۋىنە بولادى. ونىڭ ۇستىنە، اكىمشىلىك ءوندىرىستىڭ كەز كەلگەن قاتىسۋشىسى ينسپەكتوردان تۇسىرۋلەرگە شەكتەۋ قويۋىن سۇراي الادى. nur.kz