قازاقستان ءوزىنىڭ اۆتوونەركاسىبىن دامىتۋعا 20 ميلليارد تەڭگە بولەدى، دەپ مالىمدەدى ۇلتتىق ەكونوميكا ءمينيسترى ەربولات دوسايەۆ. بۇل تۋرالى "قازاقستان جاڭالىقتارى" حابارلايدى.
"2016 جىلى كاسىپكەرلىك سۋبەكتىلەرىن قارجىلاندىرۋ ءۇشىن "بايتەرەك" اق-نىڭ ۇلتتىق قوردان الىپ جاتقان 100 ملرد تەڭگە كولەمىندەگى ۇزاق مەرزىمدى قارىسىنىڭ 75 ملرد تەڭگەسى 2015 جىلعا اۋىستىرىلدى. ونىڭ 20 ملرد تەڭگەسى وتاندىق كولىك شىعارۋشىلارعا، 10 ملرد تەڭگەسى ۆەرتولەت قۇراستىرۋشىلارعا، 5 ملرد تەڭگەسى جولاۋشىلار ۆاگونىن شىعارۋشىلارعا بولىنەدى"، - دەدى مينيستر.
سونىمەن قاتار، ەكسپورتتاۋشىلاردى قولداۋعا 35 ملرد تەڭگە بەرىلمەك. ال 5 ملرد تەڭگە كولەمىندەگى قارجى كەپىلدىك بەرەتىن قورلاردىڭ قارجىلاندىرىلۋىنا جانە جۇمىستىڭ باستالۋىنا بەرىلمەك. nur.kz
