كاسىپقوي بوكس سالاسىندا امەريكادا ب ا ق سىناپ جۇرگەن قانات يسلامدى بىلمەيتىن قازاق كەمدە كەم. ۇلت نامىسىن تۋ ەتكەن وعلان تۋرالى بۇگىنگى تاراعان اقپارات تالاي قازاقتىڭ جۇرەگىن اۋىرتتى. قاۋەسەتتىڭ اۋانى «قانات يسلام 1 ناۋىرىزدا وتەتىن جەكپە-جەككە قارجىنىڭ جوقتىعىنان قاتىسا المايتىن بولعان» كورىنەدى. ەستەرىڭىزدە بولسا وسىدان ءسال بۇرىن قاناتتىڭ ەندىگى كەزدەسۋى ماسكەۋدە وتەتىندىگى حابارلانعان.قارسىلاسى ارگەنتينالىق گۋيدو نيكولاس ەكەندىگى دە جاريا بولىپ ەدى.
«قامشى» پورتالىنا سۇحبات بەرگەن قانات يسلامنىڭ ايتۋىنشا، ماسەلە مۇلدەم قارجىعا بايلانىستى ەمەس. كەرىسىنشە 1 ناۋىرىزداعى كەزدەسۋ رەسەيلىك كوماندانىڭ قالاۋى بويىنشا شەشىلىپ كەتكەن. سوعان بايلانىستى كەيبىر كەلىسىم-شارتتار ەكى جاقتىڭ ۇددەسىنەن شىقپاعان. ياعني قانات پەن ونىڭ كومانداسىنىڭ تالاپ-تىلەگى مەن پىكىرلەرى مۇلدەم ەسكەرىلمەگەن. ال رەسەيلىكتەر بولسا اقپاراتتى ءبارىن ءوز قالاۋلارى بويىنشا شەشىپ تاستاعان كەمشىلىكتەرىنەن ەمەس، «قاناتتىڭ قارجىسى جوق» دەگەن قاۋەسەتكە اكەلىپ تىرەگەن. ماسكەۋدەگى جەكپە-جەكتىڭ وتپەي قالۋىنداعى نەگىزگى سەبەپ – وسى. ال قانات يسلامعا اۋەل باستان بەلگىلى مەسەنات، ۇلت پاتريوتى باۋىرجان وسپانوۆ باسشىلىق ەتەتىن «جەر-سۋ» كورپوروسياسى قارجىلىق دەمەۋ كورسەتىپ كەلەدى. سوندىقتان «قانات قارجى جوق بولعاندىقتان جەكپە جەككە قاتىسا المايتىن بولدى دەۋ» مۇلدەم شىندىققا جاناسپايدى.
قاناتتان بىلۋىمىزشە، ول اسىلى الداعى 22-23 ناۋىرىزدا كولۋمبيادا وتەتىن جەكپە جەككە دايىندالىپ جۇرگەن. ءتىپتى وعان دەيىن امەريكانىڭ وزىندە ءبىر كەزدەسۋ بولۋى دا مۇمكىن. ول تۋرالى دا كەلىسىمدەر جاسالىپ جاتقان كورىنەدى.
