قازاق حاندىعىنىڭ 550-جىلدىعىنىڭ لوگوتيپىن جاساقتاۋ بايقاۋىندا جەڭىسكە جەتكەن ادامدى قارالاپ جاتقانداردىڭ بارلىعى قىزعانۋشىلىق پەن ساۋاتسىزدىقتىڭ اسەرىمەن ول ازاماتتىڭ قانداي ەكەندىگىن ءبىلىپ، تۇسىنۋلەرى قاجەت.

قازاق حاندىعىنىڭ 550-جىلدىعى لوگوتيپىنىڭ اۆتورى – الماز شاكەن ۇلى نۇرازحان ۇلتتىق بايقاۋدى جەڭىپ العان كەزدەيسوق ادام ەمەس. بۇل ادام ءارقاشاندا شىعارماشىلىق ىزدەنىستەگى ازامات. ول مەملەكەتتىك اتريبۋتيكا مەن قازاقستاننىڭ ەلورداسىن، باسقا دا قالالارىن بەزەندىرۋدە قولدانىلىپ جۇرگەن شىعارماشىلىق جۇمىستاردىڭ اۆتورى.

قازاق حاندىعىنىڭ  550-جىلدىعىنا ارنالعان لوگوتيپتى جاساقتاۋ بايقاۋىنا كوپتەگەن ۇلتتىق، ءتىپتى حالىقارالىق دەڭگەيدەگى كورمەلەر مەن بايقاۋلاردىڭ جەڭىمپازى قاتىسقاندىعى تاڭقالارلىق جاعداي ەمەس.

ول لوگوتيپتىڭ 20-دان اسا ءارتۇرلى ۇلگىسىن جاساپ، بايقاۋدىڭ قازىلارىنا ۇسىندى. ءادىل قازىلار القاسى ولاردىڭ بىرەۋىن تاڭداپ الدى. بۇل جەڭىس – ۇجىمدىق شەشىم. ونىڭ وزگە ۇلگىلەرى دە وتە قىزىق، مازمۇندى، ۇلتتىق سيپات پەن قازاقستاندىقتاردىڭ سۇيىسپەنشىلىگىنە يە. ولاردىڭ ينتەرنەت جەلىسىندە كەڭىنەن تارالۋى، ازاماتتاردىڭ ول لوگوتيپتەردى باستى سۋرەت رەتىندە قولدانىلۋى ولاردى شىعارماشىلىق دارىن يەسى جاساعاندىعىنىڭ تاعى ءبىر دالەلى.

سوندىقتان دا نۇرازحاندى قارالاپ جاتقان ادامداردىڭ بارلىعى – ەلەۋگە تۇرمايتىن باقتالاستار عانا جانە سانالى، ويشىل ادامدار ولارمەن ەشقاشان دا كەلىسپەيدى.