جاقىندا Qamshy.kz  پورتالىنا "رەسەي قازاقستاننان جەر سۇراپ وتىر" دەگەن تاقىرىپپەن ماقالا جاريالاعان بولاتىنبىز. ماقالادا ومبى گۋبەرنياسى مەن "رۋسسكايا پوليانا" اراسىن بايلانىستىرىپ تۇرعان قازاقستاننىڭ يەلىگىندەگى جەر تەلىمىن رەسەيگە ايىرباس رەتىندە بەرۋ تۋرالى جازىلعان بولاتىن. ءبىز ءوز كەزەگىمىزدە تەرريتوريالىق ايىرباس ەكى جاققا دا ۇتىمدى بولۋى ءۇشىن،  ولگەي مەن وسكەمەندى جالعاپ تۇرعان جولداعى رەسەي مەنشىگىنە تيەسىلى جەر تەلىمىن سۇراۋ كەرەك دەپ وي تاستاعان ەك. بۇگىن رەسەيدىڭ ومبى گۋبەنرياسىنىڭ "دەلوۆوي ومسك" باسىلىمى ايىرباس رەتىندە قازاقستانعا بەرىلۋى مۇمكىن جەر تەلىمدەرىن مالىمدەدى.

ەگەر رەسمي استانا مەن ماسكەۋ بۇل ايىرباستى ماقۇلداسا، قازاقستاننىڭ مەنشىگىنە ەكى بىردەي جەر تەلىمى  ءوتۋى مۇمكىن. جالپى ايىرباسقا بەرىلەتىن جەر كولەمى 2427 گەكتاردى قۇرايدى.  ومبى گۋبەرناتورى:  "قازاقستان رەسپۋبليكاسىنىڭ مەنشىگىنە  كولەمى 2427 گەكتاردى قۇرايتىن ۇلكەن ءبىر اۋماقتى نەمەسە جالپى كولەمى 2402 گەكتاردى قۇرايتىن ەكى جەر تەلىمىن ايىرباستاۋدى كوزدەپ وتىرمىز"،-دەدى.

ەسكە سالا كەتەيىك، اقپاننىڭ 13ء-ى كۇنى ومبى گۋبەرنياسىنا رەسمي ساپارمەن بارعان سقو اكىمى ەرىك سۇلتانوۆ پەن گۋبەرناتور ۆيكتور نازاروۆ وسىنداي كەلىسىمگە كەلگەن بولاتىن. قۇجاتتاردى راستاۋ جانە تەرريتوريالىق ايىرباسقا رۇقسات بەرۋ ءۇشىن تەك، قوس ەلدىڭ باسشىلارىنا جۇگىنۋ قالعان ەدى.