شوتلانديادا جان جاراسىن ەمدەيتىن قوناق ءۇي اشىلدى. ArdochHouse قوناق ءۇيى قوناق كۇتۋدىڭ ەرەكشە ءادىسىن قولعا الىپتى.

5 كۇندى قامتيتىن باعدارلامادا مەيماندار ءوزىنىڭ ىشكى دۇنيەسىنە ساياحات جاساپ، بويىنداعى ەرەكشە قاسيەتتەردى اشۋعا جانە باقىتتى ساتتەرىن ەسكە تۇسىرۋگە مۇمكىندىك الادى. مۇنداي "ساياحاتتىڭ" باستى ماقساتى – قوناق ءۇيدىڭ كليەنتتەرىن جان جاراسىنان ارىلتۋ. بۇل ۇسىنىس جاقىندا سۇيىكتىسىنەن ايىرىلعاندارعا، نەمەسە باسقا دا سەبەپتەرمەن سۇيىكتىسىمەن بايلانىسىن ۇزۋگە ءماجبۇر بولعاندارعا، ءتىپتى، جوسپارىن ءساتتى جۇزەگە اسىرا الماي، كۇيزەلىسكە تۇسكەندەرگە ارنالادى. Daily Mail باسىلىمى جازعانداي، ونداي ەرەكشە قوناقتارمەن ءتۇرلى سالاداعى جوعارى بىلىكتى كونسۋلتانتتار جۇمىس جاسايدى. ArdochHouse جۇرەگى جارالانعان جاندارعا ارنالعان بىرەگەي دەمالىستى لوح لوموند ۇلتتىق ساياباعىنداعى ادەمى جەردە ۇيىمداستىرماق. مۇنداي تەراپيادان ءبىر مەزەتتە 20 ادام وتە الادى. 5 كۇندىك دەمالىستىڭ قۇنى – 3725 ەۋرو، بۇل قۇننىڭ ىشىنە قوناق ۇيگە دەيىنگى جول شىعىنى كىرمەيدى. Bnews.kz