جاقىندا ۋكراينانىڭ ەكس-پرەزيدەنتى ۆيكتور يانۋكوۆيچ كييەۆكە قايتا ورالىپ، ءوزىنىڭ جاقتاستارىن جينايتىنىن جانە ۋكراينا جوعارعى راداسىن باسقارۋعا نيەتتى ەكەنىن ايتتى دەپ حابارلايدى Qamshy.kz پورتالى.

رەسەيلىك "تاسس" اقپاراتتىق اگەنتتىگىنە بەرگەن سۇقباتىندا ۋكراينانىڭ بۇرىنعى پرەزيدەنتى ۆيكتور فەدوروۆيچ ۋاقىتى كەلگەندە ءوزىنىڭ مىندەتتى تۇردە ۋكرايناعا قايتا ورالىپ، ەل ساياساتىنا ارالاسىتىنىن، قازىرگى بيلىككە قارسى ۋكراينا وپپازيسيونەرلەرىن جينايتىنىن مالىمدەگەن.

ەۆرومايدانعا 1 جىل: كييەۆ بيلىگىنىڭ اۋىسۋى ۋكراين حالقى ءۇشىن نە بەردى؟

"وكىنىشكە وراي مەنىڭ قولىمنان ەشتەڭە كەلمەدى. ساياسات ۇلكەن ويىن. ءبىراق، مەن ءوز ءجۇرىسىمدى ءالى جاساعان جوقپىن. ەلدەگى كريزيستى، بەيبەرەكەتسىزدىكتى، قان توگىستى توقتاتۋ ءۇشىن ۋكرايناعا مەن كەرەكپىن. جانە مەن مىندەتتى تۇردە ۋكرايناعا قايتام،  قولىمنان كەلگەننىڭ ءبارىن ىستەۋگە تىرىسام. ءدال قازىرگى ۋاقىتتاعى مىندەت-ول سوعىستى توقتاتۋ."-دەدى يانۋكوۆيچ.

سونداي-اق، ەكس-پرەزيدەنت: "ەشبىر بيلىكتىڭ قۇنى 2014 جىلىعى 21-22 اقپانداعى قانتوگىستى جۋىپ-شايا المايدى. ءقازىر ۋكراينا مۇلدەم قيىن كەزەڭدە. تەرريتوريانىڭ تۇتاستىعى بۇزىلىپ، قانشاما جازىقسىز جاندار مەرت بولدى. زاڭ تۇراقسىز، سەنىمسىز. ءقازىر ۋكراين حالقىنىڭ جاعدايىن ەشكىم ويلامايدى. ءبارىنىڭ كوزدەگەنى بيلىك، تاق. قازىرگى پرەزيدەنت بيلىك باسىنا كەلۋ ءۇشىن-وسىنداي قۇرباندىققا باردى"،-دەدى.

-مەن ۋكراينادا ءقازىر بولىپ جاتقان جاعدايلاردىڭ بارىنەن حاباردارمىن. ءتىپتى، ەلدەگى جاعدايلارعا مونيتورينگ جاساۋ ءۇشىن بىرنەشە مارتە كىسى جىبەرگەنىمدى دە جاسىرمايمىن. ءالى دە جىبەرە بەرەم-،دەدى بۇرىنعى پرەزيدەنت.

يانۋكوۆيچ دونباسس تۋرالى

"ۋكراينانىڭ قازىرگى بيلىگىنە دونەسك جانە لۋگانسكىمەن كەلىسسوز جۇرگىزۋدەن باسقا جول جوق"،- ۆ.فەدوروۆيچ.

"قانتوگىستەردى توقتاتۋ، شىعىس ۋكراينا تۇرعىندارىنا تەڭ قۇقىق بەرۋ، سول ايماقتارداعى جەرگىلىكتى بيلىككە ءوزىن ءوزى باسقارۋ قۇقىعىن بەرۋ تۋرالى ماسەلەلەردە ەۋروپا ەلدەرىمەن رەسەي مىندەتتى تۇردە قاتىسۋى كەرەك"،-دەدى يانۋكوۆيچ.

يانۋكوۆيچ بيلىكتەن قالاي كەتتى؟

2014 جىلدىڭ 4 اقپانىندا ۋكراينا جوعارعى راادسى ۋكراينانىڭ ەكس-پرەزيدەنتى ۆيكتور يانۋكوۆيچتى پرەزيدەنتتىك مانداتتان ايىرۋ تۋرالى شەشىم قابىلداعان ەدى. رادانىڭ قابىلدانعان بۇل  شەشىمى ۋكراينا تاريحىنداعى تۇڭعىش رەت پرەزيدەنتتى مانداتىنان ايىرعان ەدى. شەشىم تالاپتارى بويىنشا، ول تەك ەل باسقارۋ قۇقىعىنان عانا ەمەس، بارلىق جەڭىلدىكتەردەن ايىرىلعان ەدى. الايدا، رادانىڭ قابىلداعان بۇل شەشىمى يانۋكوۆياتى تاقتان قۇلاتىپ قانا قويماي، انتيكونستيتۋسيالىق مەملەكەتتىك توڭكەرىستى مويىنداعانىنىڭ كورىنىسى بولدى. ءبىراق، يانۋكوۆيچتى پرەزيدەنتتىككە سايلاعان دا، قۇلاتاتىن دا رادا ەمەس ەدى.

ۋكرايناداعى توڭكەرىسشىلەر كييەۆتى باسىپ العان سوڭ، ساياسي قۋدالاۋعا تۇسكەن يانۋكوۆيچ رەسەي بيلىگىنەن پانا سۇرايدى. قازىرگى تاڭدا، ول رەسەيدىڭ روستوۆ وبلىسىندا تۇرادى.

بيلىكتەن كەيىنگى ءومىر

ۋكراينانىڭ بۇرىنعى پرەزيدەنتىنىڭ ۇستىنەن بىرنەشە قىلمىستىق ءىس قوزعالعان. 20 قاڭتاردا كييەۆ سوتى ەكس-پرەزيدەنتتى تۇتقىنداۋ تۋرالى شەشىم شىعارعان. ال  ينتەرپول يانۋكوۆيچكە حالىقارالىق ىزدەۋ جاريالاپ، تۇتقىنداۋعا جانە ۋكرايناعا ەكستراديسيالاعا بۇيرىق بەرگەن.

نيكولاي ازاروۆ،

ۋكراينانىڭ ەكس-مينيسترى:

- يانۋكوۆيچ قاندى قول، تيران جانە حالىق قولىمەن جازالانۋى كەرەك. ەگەر ول ۋكرايناعا ورالاتىن بولسا، ليۆيا ليدەرى كاددافي تاعدىرىن قايتالايتىن بولادى.