بۇگىن ەلورداسى استانا قالاسىنداعى قازاق ۇلتتىق ونەر ۋنيۆەرسيتەتىندە پروفەسسور، مەملەكەتتىك سىيلىقتىڭ لاۋرەانتى، جازۋشى-دراماتۋرگ اكىم تارازي ستۋدەنت جاستارمەن كەزدەستى. كەزدەسۋ – تەاتر سىنشىسى مارقۇم اشىربەك سىعايدىڭ ءتول شاكىرتتەرى ميراس ءابىل، نۇريسلام ابدىلدەر جۇرگىزەتىن «ەس-ايماق» ستۋدەنتتەردىڭ مادەني-تانىمدىق پىكىرتالاس بىرلەستىگىنىڭ  ۇيىمداستىرۋىمەن ءوتتى. اتالمىش كەزدەسۋدە اسەرلى اڭگىمە، اسەم اۋەن، كەرمەك-جۇپارلى كۇي، رياسىز پىكىر الماسۋ بولدى. ومىردەن وزعان عاجايىپ جازۋشى-دراماتۋرگتەر جايىندا دا ەستى ەستەلىكتەردى جاستاردىڭ جادىندا جاڭعىرتتى. اكىم تارازي بۇگىنگى دراماتۋرگيانىڭ كەمشىم تۇستارىن دا تىلگە تيەك ەتتى. ول ءبىر سوزىندە: «قازىرگى اكتەرلەرگە كوڭىلىم تولمايدى. سوزدەرى دۇرىس، ءبارى «پراۆيلنىي»، ءبىراق تەاتردان شىققان سوڭ ەسىڭدە ەشتەڭە قالمايدى»،-دەيدى. جانە دە ستۋدەنتەر: «تەاتر سىنشىسى اشىربەك تورەبايۇلىنان كەيىن تەاتر سىنشىسى دەپ كىمدى ايتار ەدىڭىز؟»، - دەپ قويعان ساق ساۋالعا اكىم اعا: مەن شىعارماشىلىق ادامىمىن، دراماتۋرگپىن. مەن اشىربەكتەي جازا المايمىن. ال، اشىربەكتىڭ ورەسىنە جەتەقابىل تەاتر سىنشىسى بىزدە جوققا ءتان!، - دەپ قىنجىلدى. باسقا دا ونەر سالاسىنداعى سانادا جاڭعىرىپ جۇرگەن ساۋالدارىنا جاستار قاۋىمى ءوز دەڭگەيىندە جاۋاپ الدى. كەش سوڭىندا جازۋشىعا شىعارماشىلىق شابىت تىلەگەن جاستار، كوتەرىڭكى كوڭىل كۇيمەن قيماي قوشتاسىتى.