بۇگىن اۆستريا تۇرمەسىندە وز-وزىنە قول جۇمساعان راحات الييەۆكە وسىعان دەيىن قانداي ايىپتاۋلار تاعىلعان ەدى؟ مەديسينا جانە ەكونوميكا عىلىمدارىنىڭ دوكتورى، ەكس گەنەرال-مايور الييەۆ 2008 جىلى وزىنە بەرىلگەن بارلىق اتاق-داڭق پەن جوعارى ءمانساپتان تولىق ايىرىلعان-دى. 1. 2007 جىلدىڭ " اقپانىندا راحات مۇحتار ۇلىنىڭ ەسىمى ەلىمىزدەگى جانە شەت ەلدىك ب ا ق بەتتەرىندە ءجيى ايتىلاتىن بولدى. نۇربانكتىڭ ءىرى اكسيونەرلەرىنىڭ ءبىرى راحات الييەۆكە اتالمىش بانكتىڭ سول كەزدەگى باسشىلارىنا قاتىستى ۇيىمداسقان قىلمىستىق توپ قۇرىپ، ءابىلماجىن عىلىموۆ (نۇربانك ءتوراعاسى) پەن جولداس تەمىرالييەۆتى (ونىڭ ورىنباسارى) قالا سىرتىنا شىعارىپ، كۇش قولدانعان. عىلىموۆ پەن تەمىرالييەۆالاردان اسا ءىرى كولەمدە اقشا تالاپ ەتىپ، بار دۇنيە-مۇلىكتەرىن الييەۆتىڭ اتىنا اۋدارۋدى تالاپ ەتكەن. كورسەتىلگەن قىسىمعا شىداماعان ەكەۋىنىڭ كەلىسىمىنەن كەيىن جوندەرىنە قويا بەرگەن. 2. 9 اقپان 2007 جىلى الييەۆ عىلىموۆ پەن تەمىرالييەۆتى قايتادان ۇرلاپ كەتەدى. بۇل جولى تەمىرالييەۆ پەن عىلىموۆ ءىز-تۇسسىز جوعالىپ كەتەدى. 3. 2007 جىل مامىر ايىنىڭ اياق شەنىندە ق ر قك 125 بابى، 3-تارماعى بويىنشا "ۇيىمداسقان قىلمىستىق توپ قۇرۋ، ادام ۇرلىعىن ۇيىمداستىرۋ، قارۋ قولدانۋ، دەنەسىنە ءار ءتۇرلى زاقىم كەلتىرۋ ت.ب." الييەۆتى كىنالى دەپ تابادى. 4. 2007 جىلدىڭ 28 مامىرىندا ق ر باس پروكۋراتۋراسىنىڭ سانكسياسىمەن قازاقستاندىق ماماندار توبى الييەۆتى ەلگە قايتارۋ ءۇشىن اۆسترياعا (ۆەنا) اتتانادى. 5. 2008 جىلدىڭ 15-قاڭتارىندا الماتى قالاسى، المالى اۋدانارالىق سوتى الييەۆتىڭ سىرتىنان سوت پروسەسىن جۇرگىزىپ، 20 جىلعا باس بوستاندىعىنان ايىرۋعا جانە دۇنيە-مۇلكىن تاركىلەۋگە شەشىم شىعارادى. 6. ءدال وسى ۋاقىتتا الييەۆ اۆستريا ۇكىمەتىنەن ساياسي پانا سۇرايدى. ال الييەۆتىڭ جۇبايى داريعا نازاربايەۆا سوت ۇكىمى شىقپاي جاتىپ كۇيەۋىمەن اجىراسىپ كەتەدى. 7. 2008 جىلدىڭ 20 ساۋىرىندە ق ر پرەزيدەنتى ن.ءا.نازاربايەۆتىڭ شەشىمىمەن الييەۆتىڭ بارلىق ناگرادالارى كۇشىن جويادى. سول جىلى اۆستريا سوتى الييەۆتى قاماۋعا الىپ، كەيىن 1 ميلليون ەۆرو كەپىلدىكپەن ءۇي قاماققا الادى. 8. 2015 جىلدىڭ 24 اقپانىندا اۆستريا تۇرمەسىندە قاماۋدا وتىرعان راحات شوراز-الييەۆ ءولى دەنەسى تابىلدى.