شەتەلدە بوي تاسالاپ جۇرگەن تاعى ءبىر شەنەۋنىككە قاتىستى جاڭا دەرەك شىعىپ جاتىر.

قازاقستان بيلىگى شۆەساريادا تۇرىپ جاتقان حراپۋنوۆتى جەكە اگەنتتىككە اڭدىتىپتى. بارلاۋ مەكەمەسىنە ءتىپتى، موسسادتىڭ ەكس-باسشىسى مەير داگاننىڭ ءوزى كەڭەس بەرگەن كورىنەدى.

بۇل تۋرالى وسى ەلدىڭ باسىلىمدارى جارىسا جازۋدا. وندا 2012-2013 جىلدارى "اركانۋم" دەگەن جەكە بارلاۋ قىزمەتىنىڭ حراپۋنوۆتى اڭدىعانى جازىلعان. ال تاپسىرىس بەرۋشى قازاقستان دەپتى ماقالا اۆتورى.

اگەنتتىك وسى قىزمەتى ءۇشىن اي سايىن 250 مىڭ دوللار الىپتى. بارلاۋشىلار قاشقىن شەنەۋنىكتىڭ ءار باسقان قادامىن اڭدىپ، سىبايلاستارىمەن الماسقان حاتتارىن قازاقستانعا جىبەرىپ وتىرعان.

ايتا كەتەيىك، ۆيكتور حراپۋنوۆ الماتىنى باسقارعان تۇستا جەر تەلىمدەرىن گەكتارلاپ، ال اكىمشىلىك عيماراتتارىن وڭدى-سولدى ساتىپ 2008 جىلى بالا شاعاسىمەن شۆەسارياعا قاشقان بولاتىن.

قۇر ەمەس، مەملەكەتتىڭ 250 ميلليون دوللارىن قولتىقتاي كەتتى. ءقازىر شۆەيساريا مەن ليحتەنشتەين بانكتەرىندە شوت، بىرنەشە فيرما اشىپ، شالقىپ ءومىر ءسۇرىپ جاتىر. كتك