تكەن جىلدىڭ سوڭىندا ەلىمىزدە ەرتەگىلەر پورتالى جارىق كورگەنىن حابارلاعان بولاتىنبىز. بۇگىندە اتالعان جوبا جاڭا تۋىندىلارمەن تولىعىپ وتىر.

  بۇعان دەيىن وقىرمانعا ەسترادا جۇلدىزدارىنىڭ وقىعان ەرتەگىلەرىن ۇسىنىپ كەلگەن پورتال ەندى جاس انالارعا بەسىك جىرىن دا قوسا ۇيرەتپەك. قاراقات ءابىلدينا، جانار دۇعالوۆا جانە گۇلميرا سارينا سىندى انشىلەردىڭ ورىنداۋىنداعى بەسىك جىرىن اتالعان پورتالدان ونلاين تىڭداۋعا مۇمكىندىك بار.

"نەگىزى، بەسىك جىرلارىن، ۇلتتىق ەرتەگىلەردى تىڭداپ وسكەن بالانىڭ ءتانى دە، جانى دا سۇلۋ بولىپ وسەتىن بەلگىلى. ال، قازاق ەرتەگىلەرىنىڭ عاسىرلار بويى جيناعان دانالىعى، اڭىز كەيىپكەرلەرىنىڭ بويىنداعى ەڭ جاقسى قاسيەتتەر، ولاردىڭ ەرلىگى كىشكەنتاي تىڭدارمانداردىڭ بويىندا شىنايى پاتريوتتىق سەزىم وياتىپ، ءوز تاريحىنا، ءوز تىلىنە دەگەن سۇيىسپەنشىلىك تاربيەلەيتىنى بۇرىننان ايان"، - دەيدى جوبا اۆتورلارىنىڭ ءبىرى  مارات احمەتجانوۆ.

ايتا كەتەيىك، پورتال قورىنداعى ەرتەگىلەر سانى بۇگىندە 29-عا جەتىپ وتىر. جۋىردا ولاردىڭ قاتارىنا الماس كىشكەنبايەۆ، جانار ايجانوۆا جانە نۇرلان قويانبايەۆتار وقىعان ەرتەگىلەر دە قوسىلدى. BAQ.KZ