«جاڭا گۋمانيتارلىق ءبىلىم. قازاق تىلىندەگى 100 جاڭا وقۋلىق». الماتىداعى بەلسەندى جاستاردىڭ پىكىرىنشە، بۇل ستۋدەنتتەر عانا ەمەس جالپى حالىقتىڭ ءبىلىمىن شىڭداپ قانا قويماي، قازاق ءتىلىن دامىتا تۇسپەك. بيىل جوبا اياسىندا الەمدەگى ەڭ ۇزدىك ۋنيۆەرسيتەتتەردە قولدانىلاتىن 30 قۇندى كىتاپتى اۋدارۋ كوزدەلىپ وتىر. ال قالعاندارى كەلەر جىلى، كەزەڭ-كەزەڭمەن ءتارجىمالانادى. جاڭا وقۋلىقتار كوپشىلىككە كىتاپ تۇرىندە، ەلەكتروندىق ونلاين نۇسقاسىندا جانە ۇزدىك لەكتورلاردىڭ اشىق دارىستەرىنىڭ ۆيدەوتەكاسى سياقتى ءۇش فورماتتا قول جەتىمدى بولادى. قازاق جاستارى ءقازىردىڭ وزىندە اۋدارىلعان 18 كىتاپتى وقۋعا ەرەكشە قۇلشىنىپ وتىر.

«100 وقۋلىق» باعدارلاماسى بويىنشا ءبىز بۇرىن تەك اعىلشىن ءتىلىن بىلسەك، نە بولماسا، باسقا الەمدىك تىلدەردى بىلگەن بولساق، ءقازىر قازاق تىلىندە عانا وقي وتىرىپ ءبىز الەمنىڭ ەڭ ۇزدىك اۆتورلارىن، ەڭ ۇزدىك تۋىندىلارىن بىلە الاتىن بولامىز. بۇل جاستارعا جاڭا سەرپىن بەرەدى جانە قازاق ءتىلىن ودان ءارى دارىپتەپ، ۇلكەن كومەگىن بەرەدى دەگەن ويدامىز»، - دەدى «نۇر وتان» پارتياسى «جاس وتان» جاستار قاناتىنىڭ بەلسەندى مۇشەسى ءابىلقايىر قانالي.

«100 جاڭا وقۋلىق» اتتى باعدارلامىسىنىڭ ءبىزدىڭ جاستارعا بەرەرى وتە مول. ويتكەنى، ەلىمىزدىڭ بولاشاعى جاستاردىڭ قولىندا بولعاندىقتان، جاستارىمىزدىڭ ساپالى ءبىلىم الۋى وتە ماڭىزدى ماسەلە بولىپ تابىلماق. سوندىقتان بۇرىنعى وسى ۋاقىتقا دەيىن الەمدىك اۆتورلاردىڭ گۋمانيتارلىق جانە عىلىمي باعىتتاعى كىتاپتارى سولاردىڭ تىلدەرىندە وقىلعان بولسا، ال قازىرگى تاڭدا وسى باعدارلامانىڭ ارقاسىندا ءوزىمىزدىڭ تىلىمىزدە، ياعني قازاق تىلىندە وقىلماق»، - دەدى الماتى تەمىرجول كولىگى كوللەدجىنىڭ ستۋدەنتى تالشىن بەيسەنبەك.

«بۇل مەگا جوبا دەپ تە ايتقىم كەلەدى، ەرەكشە ساتتەر دەپ تە ايتقىم كەلەدى. سەبەبى، بۇل ءاربىر تىلدەگى، مىسالى - يسپان، فرانسۋز، اعىلشىن تىلدەرىندەگى الەمدىك برەندكە ىلىنگەن اۆتورلاردىڭ كىتاپتارى قازاق تىلىندە، ءوزىمىزدىڭ انا تىلىمىزدە اۋدارىلاتىن بولدى. ونىڭ ىشىندە اۋدارىلۋى مۇمكىن، مىسالى، بىزدە دەيل كارنەگيدىڭ، روبين شارمانىڭ، ەڭ باستى روبەرت كييوساكيدىڭ كىتاپتارى. مەن ءوزىم وسى اۆتورلاردىڭ كىتاپتارىن ورىس تىلىندە ءسۇيىپ وقىعانمىن. وقيمىن دا. ا، ەندى قازاق تىلىندە وقۋ ماعان ەرەكشە پاتريوتتىق سەزىم الىپ كەلەدى»، - دەدى «نۇر وتان» پارتياسىنىڭ «جاس وتان» جاستار قاناتىنىڭ بەلسەندى مۇشەسى جاسۇلان مەيىرحان ۇلى.

«ءبىز وسى 100 جاڭا كىتاپتى وقىپ، قازاقتىڭ جاستارىنىڭ، ستۋدەنتتەرىنىڭ ءبىلىمىن جەتىلدىرۋگە تىرىسامىز. قازىرگى تاڭدا وسى 100 كىتاپتىڭ 18ء-ى اۋدارىلدى. ناقتى اۋدارىلىپ، ءبىزدىڭ قازاقستانعا كەلدى. ءبىز سول 18 كىتاپتى وقىپ بىلۋگە تىرىسامىز»، - دەدى ورتا ازيالىق تەحنيكا-ەكونوميكالىق كوللەدجىنىڭ ستۋدەنتى قانات توقتاروۆ.