ناۋرىز ايىنداعى مەرەكەگە وراي قازاقستاندىقتار 8 كۇن دەمالادى دەپ حابارلايدى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ باسپا ءسوز قىزمەتى.
"8 ناۋرىز حالىقارالىق ايەلدەر كۇنى جەكسەنبىگە سايكەس كەلگەندىكتەن، دەمالىس كۇنى دۇيسەنبىگە اۋىستىرىلدى"، - دەيدى قازتاگ اگەنتتىگىنە بەرىلگەن جاۋاپتا.
ودان بولەك، قازاقستان حالقى ناۋرىزدا تاعى دا 5 كۇن دەمالادى.
"ناۋرىز مەرەكەسى 21 جانە 23 ناۋرىز كۇندەرى تويلانادى. ال 21 جانە 22 ناۋرىز دەمالىس كۇندەرىنە ساي كەلگەندىكتەن، مەرەكەلىك دەمالىس 24 جانە 25 ناۋرىزعا بەلگىلەندى"، - دەپ اتاپ ءوتتى مينيسترلىك.
زاڭعا سايكەس، ەگەر مەرەكە كۇنى دەمالىسقا سايكەس كەلسە، كەلەسى جۇمىس كۇنى دەمالىس بولىپ بەلگىلەنەدى.
