ماتياس دورنفەلدت، س.ع.د. پورفەسسور، گەرمانياداعى پوتسدامسك ۋنيۆەرسيتەتىنىڭ اعا وقىتۋشىسى:
- مەن قحا ۇسىنعان بۇل باستامانى قۇپتايمىن. قازاقستاندا مەرزىمىنەن بۇرىن پرەزيدەنت سايلاۋىن وتكىزۋ-بۇل قازاقستاندىقتاردىڭ ءوز تاڭداۋى. الەمدىك داعدارىسقا قاراماي قازاقستاندا 2015 جىلى پرەزيدەنت سايلاۋىن وتكىزۋ-بۇل ەلدەگى كوپتەگەن تۇيتكىلدى ماسەلەلەردىڭ شەشىمى بولارى انىق. ەڭ ءبىرىنشى - قازاقستاننىڭ باستى ۇستانىمىنا اينالىپ ۇلگەرگەن تۇراقتىلىقتى ساقتاۋعا جانە ەكونوميكانى كوتەرۋگە ىقپال ەتەدى.
سيدحارد ساكسەنە، ۇلىبريتانياداعى "بەيبىتشىلىك جانە كەلىسىم" ورتالىعىنىڭ ديرەكتورى:
- 2015 جىلى قازاقستان پرەزيدەنتىن سايلاۋ -ەڭ ءبىرىنشى كەزەكتە ەلدەگى ساياسي تۇراقتىلىق پەن ەكونوميكانىڭ جاڭا سەرپىنمەن جاندانۋىنا جول اشادى. قازاقستاننىڭ الەمدىك ساياساتتىعى ۇستانىمى-ول تۇراقتىلىق، بەيبىتشىلىك. قازاقستاننىڭ بۇل ۇستانىمى كوپتەگەن مەملەكەتتەر ءۇشىن ۇلگى بولادى. الەم جاھاندىق داعدارىستىڭ الدىندا تۇرعان كەزەڭدە-قازاقستاندا كەزەكتەن تىس پرەزيدەنت سايلاۋىن وتكىزۋ ساياسي تۇرعىدان عانا ۇتىمدى ەمەس، ول كەرەك. سوندىقتان بۇل باستامانى قازاقستاندىقتار ءبىر اۋىزدان قولدايدى دەپ ويلايمىن.
ماركو ارسيللي، سان-مارينو رەسپۋبليكاسى مەملەكەتتىك حاتشىسى:
- مەنىڭشە قازاقستان حالقى اسسامدبەياسىنىڭ باستاماسىن قولداۋ كەرەك. قازىرگى كەزەڭدە مەملەكەتتىڭ ۇستانىپ وتىرعان ساياساتىنا وزگەرىس جاساۋ كەرەك ەمەس. جالپى وزگەرىس كەرەك. ءبىراق، الەم حالقى ەكونوميكالىق داعدارىس الدىندا تۇر. وسىنداي كەزەڭدە الدىمەن مەملەكەتتىڭ ءبىرىنشى ادامىن سايلاپ الۋ ۇسىنىسىن قولداۋ كەرەك.
روبەرت چەزين، يتاليانىڭ حالىقارالىق قاتىناستار جونىندەگى ساراپشىسى:
- ءبىز دە ءدال بيىل قازاقستاندا پرەزيدەنت سايلۋىن وتكىزۋ كەرەك دەپ ەسەپتەيمىز. بۇل ءبىرىنشى كەزەكتە-سىرتقى قاقتىعىستاردىڭ الدىن الادى (ۋكرايناداعى قارۋلى قاقتىعىس). قازاقستان حالقى ءۇشىن تۇراقتىلىقتى ساقتاي وتىرىپ، حالىقارالىق ارەنادا بەدەلدى باسشىنى تاڭداۋى كەرەك. كەلەسى كەلەتىن پرەزيدەنتتە پرەزيدەنت نازاربايەۆتىڭ ساياساتىن جالعاپ اكەتۋى كەرەك جانە وسى جىلى وتكىزىلەتىن پرەزيدەنت سايلاۋىنا الەمنىڭ نازارى اۋىپ وتىرعانى راس. ءبىز سايلاۋ قورىتىندىسى جاقسى ناتەجيە بەرەدى دەپ سەنەمىز.
