بىرنەشە كۇن بويى الەۋمەتتىك جەلىگە سۋرەت سالىپ، ەلدىڭ نازارىن وزىنە اۋدارعان بايان ەسەنتايەۆا "لاشىن" توبىمەن بىرگە گوا جەرىندە ءجۇر.
سىمباتتى ءارى سۇلۋ قىزدارىن شەت ەلگە اكەلگەن پروديۋسەردىڭ جاڭا كليپ ءتۇسىرىپ جاتقان ءجايى بار. Kesh you توبىنان كەيىن ومىرگە كەلگەن "لاشىن" تريوسى ءۇندىستان جەرىن ارمانسىز ارالاپ، جەرگىلىكتى حالىققا قولتاڭبا بەرىپ تە ۇلگەرىپ ءجۇر.
ازىرگە توپتىڭ قانداي انگە بەينەكليپ ءتۇسىرىپ جاتقانى بەلگىسىز. ءبىر انىعى، ەسەنتايەۆا وزگەشە، ەشكىمگە ۇقسامايتىن جوبانىڭ دۇنيەگە اكەلمەك. ۇنەمى جاڭالىق اشىپ جۇرەتىن بايان حانىم بۇل جولى ىستىق ەلدىمەكەندى تاڭداعان ەكەن. سۋرەتتەرگە ءمان بەرەتىن بولساق، "لاشىن" توبىنىڭ كليپى جاعاجاي مەن تاۋ- تاستىڭ اراسىندا تۇسىرىلەتىن سەكىلدى.
Comode.kz
