جۋىردا EF Education First  – شەت ءتىلىن وقىتۋ، ءبىلىم بەرۋ جانە مادەني قۇندىلىقتارمەن الماسۋ سالاسىندا قىزمەت جاسايتىن حالىقارالىق ءبىلىم بەرۋ ۇيىمى ارنايى جۇرگىزگەن ساۋالناما قورىتىندىسى بويىنشا قازاقستاندىقتارىڭ  اعىلشىن ءتىلىن مەڭگەرۋ كورسەتكىشى وتە تومەن دەڭگەيدى كورسەتكەن دەپ حابارلايدى  Qamshy.kz  پورتالى.

اتالمىش ساۋالناماعا 63 ەلدىڭ 18 دەن 34 جاسقا دەيىنگى ارالىقتاعى ەر جانە ايەل ازاماتتىرى قاتىسقان.   ساۋالناما قورىتىندىسى كورسەتكەندەي قازاقستان اعىلشىن ءتىلىن ناشار مەڭگەرگەن ەلدەردىڭ قاتارىنا كىرىپ، 54-ساتىعا ورىن تەپكەن.    ال اعىلشىن ءتىلىن جەتىك مەڭگەرگەن ەلدەردىڭ كوشىن  سكانديناۆيا ەلدەرى  باستاپ تۇر.   ال ازيا مەملەكەتتەرى اراسىندا  اعىلشىن ءتىلىن مەڭگەرۋ دەڭگەيى ءارتۇرلى، جوعارعى دەڭگەيدەن وتە تومەن دەڭگەيگە دەيىنگى، دامۋدان تۇراقتى توقىراۋعا  دەيىنگى ارالىقتا وزگەشەلەنەدى. وڭتۇستىك-شىعىس ازيانىڭ ءۇش مەملەكەتى - يندونەزيا، تايلاند، ۆەتنام بۇكىل الەم بويىنشا اعىلشىن ءتىلىن مەڭگەرۋ جاعىنان ەڭ جوعارعى كورسەتكىشتى كورسەتسە، بۇل ەلدەردىڭ قاتارىنا  گونكونگ، تايۆان مەن جاپونيا دا قوسىلادى.

لاتىن امەريكاسى، تاياۋ شىعىس پەن سولتۇستىك افريكاداعى ەلدەردىڭ بارلىعى دەرلىك تومەن نەمەسە وتە تومەن دەڭگەيدى كورسەتكەن. ارگەنتينا، دومينيكان رەسپۋبليكاسى جانە بىرىككەن اراب امىرلىكتەرى اعىلشىن ءتىلىن مەڭگەرۋ جاعىنان ورتاشا دەڭگەيدى كورسەتىپ، وزدەرى ورنالاسقان ايماقتاردا كوش باستاپ تۇر.

2014 جىلدىڭ 12 قاراشاسىندا جاريالانعان EF EPI يندەكسىنىڭ ءتورتىنشى باسىلىمىنا سايكەس الەم بويىنشا اعىلشىن ءتىلىن مەڭگەرۋمەن بايلانىستى جاعداي كەلەسىدەي كورىنىس تاۋىپ وتىر: دانياداعى ەرەسەك تۇرعىنداردىڭ اعىلشىن ءتىلىن شەت ءتىلى رەتىندە مەڭگەرۋ دەڭگەيى وتە جوعارعى دەڭگەيدە، ودان كەيىنگى ورىندى نيدەرلاندى مەن شۆەسيا الىپ وتىر. سولتۇستىك افريكا مەن تاياۋ شىعىس  حالقى ەڭ ناشار ناتيجەنى كورسەتتى. اعىلشىن ءتىلىن مەڭگەرۋ دەڭگەيى بۇكىل الەم بويىنشا ءار ءتۇرلى.

«اعىلشىن ءتىلى كاسىبي، مادەني جانە ەكونوميكالىق قۇندىلىقتارمەن الماسۋعا ارنالعان ماڭىزدى تۇعىر بولىپ تابىلادى. EF EPI ارقاسىندا ءتىلدى مەڭگەرۋدىڭ ماڭىزدىلىعى بۇكىل الەم بويىنشا ارتتى»، - دەپ اتاپ ءوتتى EF Education First اكادەميالىق ماسەلەلەر جونىندەگى ۆيسە-پرەزيدەنتى، دوكتور كريستوفەر ماككورميك.

 اعىلشىن تiلiن مەڭگەرۋ دەڭگەيىنە ارنالعان EF يندەكسiءنىڭ 2014 جىلداعى ناتيجەلەرى