بۇگىن استاناداعى تاۋەلسىزدىك سارايىندا قازاقستاننىڭ قوعام جانە مەملەكەت قايراتكەرى جۇمابەك تاشەنوۆتىڭ 100 جىلدىعىنا وراي كورمە اشىلدى. بۇل تۋرالى  Qamshy.kz  پورتالى حابارلايدى. اتالمىش كورمە استانا قالالىق مادەنيەت باسقارماسىنىڭ باستاماسىمەن ۇيىمداستىرىلعان. كورمەگە جۇمابەك تاشەنوۆتىڭ جەكە زاتتارى، سۋرەتتەرى، قولجازبالارى، كىتاپتارى مەن جەكە فوتواپپاراتى قويىلعان. ءوزىنىڭ قىزمەتتىك جىلدارىندا جۇمابەك تاشەنوۆ جوعارعى كەڭەستىڭ ءتوراعاسى،  قازاق سسر مينيسترلەر كەڭەسىنىڭ ءتوراعاسى بولعان. قازاقستاننىڭ تەرريتوريالىق تۇتاستىعىن ساقتاۋ جانە ەكونوميكالىق دامۋ  جولىندا سىڭىرگەن ەرەن ەڭبەگى مەن ەرلىگىن بۇگىنگى ۇرپاق جادىنان ەشقاشان شىعارماق ەمەس. بۇگىندە استانا كوشەلەرىنىڭ بىرىنە مەملەكەت جانە قوعام قايراتكەرى جۇمابەك تاشەنوۆتىڭ ەسىمى  بەرىلگەن. ال ج.تاشەنوۆتىڭ ءومىرى مەن ەڭبەك جولىن ناسيحاتتاۋعا ارنالعان كورمە ناۋرىزدىڭ 25ء-ى كۇنى جابىلادى.