رەسەيدىڭ جاڭاشا تاريحىندا ەكى بوريس بار ەدى.
ءبىرى – بوريس ەلسين. كوممۋنيست بولدى، ءبىراق كەيىن سول كوممۋنيستىك پارتيامەن كۇرەسىپ، رەسەيدى دەموكراتيالىق جولعا سالدى. كەمشىلىگى دە كوپ بولدى، ءبىراق ءبارىن ءبىر ارەكەتىمەن جۋىپ-شايىپ كەتتى: كۇننىڭ ءبىر كۇنىندە: «رەسەيلىكتەر، مەنى كەشىرىڭدەر!»، - دەپ پرەزيدەنتتىكتەن ءوز ەركىمەن كەتتى.
ەكىنشىسى – بوريس نەمسوۆ بولاتىن. ەلسيننىڭ كومانداسىندا ۆيسە-پرەمەر بوپ قىزمەت اتقاردى. كەيىن وپپوزيسيا قاتارىنان تابىلدى. ول قازىرگى رەسەيلىك دەموكراتييالىق كۇشتەرىنىڭ ەڭ تانىمال تۇلعاسى ەدى. باسقالاردان ونىڭ ءبىر ەرەكشەلىگى سول – ول پۋتين جانە ونىڭ جاقىن اينالاسى تۋرالى اشىق سىن ايتتى، سول ماڭايداعى جەمقورلىق جايىندا ءوز دالەلدەرىن جايىپ سالعان كىتاپتار جازدى. بالكىم، ناق وسى جايت ونىڭ تاعدىرىنا تىكەلەي اسەر ەتكەن بولار.
كەز كەلگەن اۆتوريتارلىق جۇيە ءوز ىشىندەگى وپپوزيسيانى كورە المايدى، كورگىسى كەلمەيدى. مەيلىنشە تۇقىرتىپ، باسىپ-جانشىپ تاستاۋعا تىرىسادى. ساياسي كۇرەستىڭ بارلىق ايلا-امالىن پايدالانادى: قارالايدى، ارانداتادى، سوتتاپ، تۇرمەگە جابادى.
اۆتوريتارلىق جۇيە كۇشەيگەن سايىن ونداي كۇرەس ۋشىعا تۇسەدى دە، ونىڭ شارىقتاۋ شەگى - ءوز سىنشىلارىن ولتىرۋگە اكەپ سوعادى. قازاقستاندا دا، رەسەيدە دە بيلىك بۇرىن دا ءوزىنىڭ ساياسي قارسىلاستارىن قارسى وق اتقان. قاراپ وتىرساق، بۇگىنگى رەسەيدە بۇل ءداستۇر ءوز جالعاسىن تاۋىپ جاتىر. ونىڭ سەبەبى دە بەلگىلى – باتىس سانكسيالارى كورشى ەلدىڭ ەكونوميكاسىن السىرەتىپ جاتىر، ەل ىشىندەگى نارازىلىق ۇلعايۋدا. بۇل تۇستا وپپوزيسيانى قولداۋشىلار كوبەيە تۇسەتىنى بەلگىلى.
ءبىزدى دە بولاشاعى بۇلدىر، ساياسي تۇرعىدان ءولىارا شاق كۇتىپ وتىرعان سەكىلدى. ەڭ باستىسى – پوستنازاربايەۆ كەزەڭىندەگى باس بيلىك ءۇشىن كۇرەس ەرەكشە اسقىنا تۇسەدى، وسى كەزدە توپارالىق تارتىس ءوزىنىڭ شارىقتاۋ شەگىنە جەتەدى. ءبىر وداققا كىرگەن رەسەيدىڭ ساياسي تاجىريبەسىن قايتالاۋدان قۇداي ساقتاسىن!
(ءامىرجان قوسانوۆتىڭ فەسبۋكتەگى پاراقشاسىنان)
پىكىر قالدىرۋ