جاڭالىق جەتكىزۋدەگى باتىس پەن شىعىستىڭ قايتالانباس ءوز ەرەكشەلىكتەرى
باتىستىڭ ادامى كورشىسىنە: "بۇگىن ميستەر كىشى سميت ميستەر اتكينسوننىڭ جالعىز قىزى دجەينگە ۇيلەنىپ جاتقانىن ەستىدىڭىز بە؟ تاڭەرتەڭ دورچەستەردەگى شىركەۋدە نەكەلەرىن قيىپتى. كەشكى 5-تە رەسمي داستارحانى ەكەن. ميستەر ۇلكەن سميت ەسىڭىزدە شىعار، ءبىزدىڭ نيۋبەريدە تۋىپ وسكەن، سۋ شارۋاشىلىعىن باسقارعان، كەيىن دورچەستەرگە كوشكەن. ال ميستەر اتكينسوننىڭ شەشەسى ميسسيس ۋيليامس - وسى كوشەنىڭ باسىندا تۇرعان گرەيلەردىڭ جالعىز قىزى، كەيىن دورچەستەردىڭ بۋحگالتەرىنە كۇيەۋگە تيگەن".
شىعىستىڭ ادامى كورشىسىنە: "ءبىزدىڭ اقبۇلاقتان قاراعاندىعا كوشىپ كەتكەن تەنگەبايەۆ ءسابيت ەسىڭدە مە؟ وي، الگى قىرمانشى سەيىتتىڭ ۇلكەن ۇلى شە؟ ءيا، سول 56 ءسابيت قوي. قاراعاندىعا بارىپ ءوسىپ كەتىپ ەدى عوي، اۋىل شارۋاشىلىعى باسقارماسىنا كىرىپ. سوسىن الگى قاديشانى ءبىلۋشى مە ەڭ؟ جاكەن اتانىڭ ورتانشى قىزى شە سەنىڭ باقىتىڭمەن قاتار وقىعان؟ بىزدەن ءۇش جىل بۇرىن سەگىز جىلدىقتى ءبىتىرىپ سەمەيگە پەدۋچيليششەگە كەتكەن شە؟ ول دا كەيىن قاراعاندىعا بارىپ ۋنيۆەرسيتەتكە كىرىپتى عوي ءمۇعالىم بوپ. بۇگىن سول ءسابيتتىڭ كەنجە ۇلى قاديشانىڭ قىزىن الىپ جاتىر ەكەن. تويىن رەستوراندا جاساپ جاتىر دەيدى. اۋىلدان ەكى ءجۇز ادام شاقىرىپتى".
باتىس مەنتاليتەتى ءۇشىن جاڭالىق كىرىسپەدە (ينترو) حابارلانىپ كەتەدى دە، سوسىن ايشىقتاۋ (بەكگراۋند) ايتىلادى. شىعىس مەنتاليتەتىندە ايشىقتاۋ (بەكگراۋند) ۇنەمى الدا جۇرەدى دە، جاڭالىقتىڭ ءوزى سوڭىندا ايتىلادى. بىلايشا ايتقاندا باتىستا شەجىرە سوڭىندا، ال شىعىستا باسىندا ايتىلادى:) باتىستىڭ كوپتەگەن مەديا ماماندارى شىعىس ەلدەرىندە جوبا باستاعاندا، يا ترەنينگ وتكىزگەندە وسى ەرەكشەلىكتى ەسكەرمەيدى.
(عالىم بوقاشتىڭ فەيسبۋكتەگى پاراقشاسىنان)
