اقش-تىڭ تانىمال Forbes ىسكەرلىك جۋرنالى  2015 جىلى ناۋرىزداعى ماعلۇماتتار بويىنشا الەمنىڭ ەڭ باي ادامدارىنىڭ ءتىزىمىن جاساعان بولاتىن.

رەيتينگكە قازاقستاندىقتاردىڭ ىشىندە بەس ازامات - بولات وتەمۇراتوۆ، ءاليجان يبراگيموۆ، تيمۋر مەن دينارا قۇلىبايەۆتار، ۆلاديمير كيم كىرىپ وتىر.

ەڭ باي قازاقستاندىق دەپ ق ر تەننيس فەدەراسياسىنىڭ پرەزيدەنتى، كاسىپكەر بولات وتەمۇراتوۆ تانىلدى. 57 جاستاعى كاسىپكەردىڭ بايلىعى شامامەن 2،6 ملرد. دوللارعا تەڭ. بىلتىر ونىڭ قاراجاتى 2،2 ملرد. دوللارعا تەڭ بولاتىن. جالپى تىزىمدە وتەمۇراتوۆ 714-ورىندا تۇر. وتەمۇراتوۆتىڭ ەڭ ءبىرىنشى ءىرى جوباسى - «اتف بانك» كومپانياسى بولدى. ونى كاسىپكەر يتاليانىڭ UniCredit كومپانياسىنا ساتىپ، مول تابىس تاپتى. كەيىن ميكرونەسيەلەر بەرەتىن Kassa Nova  مەن كاسىپكەرلەرگە قىزمەت ىستەيتىن  ForteBank بانكتەرىن اشتى. بىلتىر ميللياردەر «سامۇرىق-قازىنا» قورىنان تەمىربانك جانە اليانسبانك بانكتارىنىڭ بەلگىلى كولەمدەگى اكسيالارىن ساتىپ العان بولاتىن. سونىمەن قاتار بولات وتەمۇراتوۆتىڭ يەلىگىندە قازاقستاندا جانە وزگە دە ەلدەردە قوناقۇيلەر جەلىسى بار.

قازاقستاندىق ميللياردەرلەردىڭ ەكىنشى ورنىن الەمنىڭ ەڭ ءىرى وندىرۋشىلەردىڭ ءبىرى ENRC كومپانياسىنىڭ اكسيونەرى جانە «ەۋرازيالىق بانك» اق ءاليجان يبراگيموۆ يەلەندى. كەن ءوندىرۋ ارقىلى بايىعان كاسىپكەردىڭ بار بايلىعى 2،2 ملرد. دوللارعا باعالانعان. 2014 جىلى بۇل كورسەتكىش 1،7 ملرد. دوللار شاماسىندا بولدى. Forbes ءتىزىمىنىڭ جالپى رەيتينگىسىندە ول 847-ورىندا.

ال قۇلىبايەۆتار جانۇياسى 894-ورىنعا جايعاسقان. ولاردىڭ ءارقايسىسىندا 2،1 ملرد. دوللاردان بار. بىلتىر ولاردىڭ بايلىعى 1،8 ملرد. دوللارعا باعالانعان بولاتىن. جۋرنال ولاردىڭ قىزمەت سالاسىن بانك ءىسى دەپ كورسەتكەن. دينارا قۇلىبايەۆا قازاقستاننىڭ حالىق بانكى كومپانياسىنىڭ اكسيونەرى ەكەنى بەلگىلى. تيمۋر قۇلىبايەۆ بولسا، قازاقستاننىڭ مۇناي-گاز سەكتورىندا ءىرى ويىنشىلاردىڭ ءبىرى.

ول رەسەيدىڭ ەڭ ءىرى مۇناي-گاز كومپانياسى - «گازپرومنىڭ» ديرەكتورلار كەڭەسىنىڭ مۇشەسى، «KAZENERGY» قاۋىمداستىعىنىڭ، قازاقستان كاسىپكەرلەر پالاتاسىنىڭ پرەزيديۋم باسشىسى جانە قازاقستان بوكس فەدەراسياسىنىڭ پرەزيدەنتى بولىپ تابىلادى.