قاراعاندىدا ەرەجەسىز جەكپە-جەكتەن وتكەن تۋرنيردە قازاقستاننىڭ مەملەكەتتىك تۋى تاعى دا قورلاندى.

28 اقپان كۇنى وتكەن جارىسقا قاتىسۋشىلار تۋرنير بيلبوردىنداعى لوگوتيپتەن ەكىگە ءبولىنىپ، كرەستكە ۇقساپ تۇرعان قازاقستان تۋىن كورگەن.

"بۇل تۋرالى ماعان قاتىسۋشىلار ايتتى. ولار تۋدى قورلاعانىنا اشۋلانعان. بايقاپ قاراساڭىز، تۋدى ەكىگە ءبولىپ، دۋلىعاعا ۇقساس نارسە جاساعان. سونداي-اق، كرەستتىڭ بەينەسىن دە كورۋگە بولادى"، - دەيدى زاڭگەر جاسۇلان ايتماعامبەتوۆ.

ءتۋرنيردىڭ  كرەست جورىقتارى تۇرلەرىنەن وتكىزىلگەنىن دە زاڭگەر اتاپ ءوتتى. وسى ورايدا، زاڭگەر مەملەكەتتىك تۋدى قورلاعانداردى زاڭمەن جازالاۋدى سۇراپ وتىر.  ويتكەنى، ۇيىمداستىرۋشىلار مۇنى سانالى تۇردە وسىلاي دايىنداۋى مۇمكىن.

ەستەرىڭىزدە بولسا، بالكونعا تۋدى ءىلىپ قويعانى ءۇشىن استانا تۇرعىنىنا 400 مىڭ تەڭگە كولەمىندە ايىپپۇل سالىنعان ەدى.