وكپە ەگەر ءسىز تاماعىڭىزدى ۋاقىتىندا ىشپەسەڭىز، مەن ءسىزدى مۇلدە كورمەي كەتەم. وكپەلەيمىن. ءسىز اجەتحاناعا بارماي، ءوزىڭىزدى ءوزىڭىز قيناساڭىز، مەن بۇك ءتۇسىپ تەرىس قاراپ جاتىپ قالام. ەگەر ءسىز بولماساڭىز، كۇن دە ۋاقىتىندا شىقپايتىن بولدى. كۇللى الەم سىزگە ارقا سۇيەپ الدى. بىزگە جانىڭىز اشىسا، اۋىرماڭىز! ءيا، ءيا. ءبىز دەسەڭىز، ولمەڭىز. ولگىڭىز كەلسە دە ولمەڭىز. ءسىزدىڭ وعان قاقىڭىز جوق!
ءيا، ءبىز وعان جول بەرمەيمىز. بارشا حالىق بولىپ تالاپ ەتەمىز. ءسىز ۋاقىتىندا دەمالىڭىز. ءار نارسەگە، ۇساق-تۇيەككە باس قاتىرا بەرمەڭىز، جۇيكەڭىزدى ساقتاڭىز. ءسىز بىزگە كەرەكسىز! ەگەر وسى سايلاۋعا تۇسپەسەڭىز، ءبىز اشتىق جاريالايمىز. ءوزىڭىز بىلەسىز، ءبىزدى ەلدەگى وزگە ماسەلە ويلاندىرمايدى. ال، ءسىزدىڭ سايلاۋعا قاتىسپاعانىڭىزعا بەي-جاي قاراي المايمىز! ءبىز حالىقتىڭ اتىنان سۇرانامىز. ايتپاقشى، حالىق تا سۇرانىپ جاتىر. ەل اراسىنا شىعا قالساق، ەڭ ءبىرىنشى سۇرايتىنى – ءسىز! قارنى اشىپ جۇرگەن جوق پا؟ ۇيقىسى قانىق پا؟ ءبىزدى قويشى، سول كىسى امان بولسىن دەيدى.(قاناعات ءابىلقايىردىڭ فەيسبۋكتەگى پاراقشاسىنان)
