بۇگىن مەملەكەت باسشىسى نۇرسۇلتان ءابىش ۇلى نازاربايەۆتىڭ ۇكىمىمەن مۇحتار ابرار ۇلى قۇل-مۇحامەد پرەزيدەنت كەڭەسشىسى قىزمەتىنەن بوساتىلدى دەپ حابارلايدى اقوردانىڭ باسپا ءسوز قىزمەتى. مۇحتار  ابرارۇلى- قازاقستان رەسپۋبليكاسىنىڭ مادەنيەت جانە اقپارات ءمينيسترى، مەملەكەت قايراتكەرى، تاريح عىلىمدارىنىڭ دوكتورى (1995)، زاڭ عىلىمدارىنىڭ دوكتورى (1999)، پروفەسسور (2000). نيۋ-يورك اكادەمياسىنىڭ تولىق مۇشەسى (1997)، "اتامۇرا" كورپواسياسىنىڭ پرەزدەنتى (1992-99)، قرمادەنيەت جانە اقپارات، قوعامدىق كەلىسىم ءمينيسترى (2001-03)، ق ر پرەزيدەنتىنىڭ كەڭەسشىسى (2003-07)، قىزىلوردا وبلىسىنىڭ اكىمى (2007-08)، ق ر مادەنيەت جانە اقپارات ءمينيسترى (2008-10) قىزمەتتەرىن اتقارعان. 2010 جىلدان ق ر مادەنيەت ءمينيسترى قىزمەتىنە قايتا تاعايىندالىپ، كەيىن پرەزيدەنت كەڭەسشىسى لاۋازىمىنا يە بولعان. 100-دەن استام عىلىمي جاريالانىمداردىڭ اۆتورى. عىلىمي-زەرتتەۋشى رەتىندەگى ەڭبەكتەرىنىڭ نەگىزگى تاقىرىبى - قازاق مەملەكەتى مەنقۇقىعىنىڭ تاريحى، تۇركى حالىقتارىنىڭ تاريحى مەن مادەنيەتى، رۋحانيات پەن وركەنيەت ماسەلەلەرى. مەملەكەتتىك سىيلىقتىڭ يەگەرى، "قۇرمەت" وردەنىمەن ماراپاتتالعان.