بۇگىن  يزرايل اسكەرلەرى پالەستينالىق 16 جاسار بالانى اياۋسىز يتكە تالاتتى. بۇل تۋرالى الەمدىك بۇقارالىق اقپارات قۇرالدارى جازا باستادى دەپ حابارلايدى Qamshy.kz  پورتالى.

جان تۇرشىگەرلىك ۆيدەو روليك ءيزرايدىڭ بۇرىنعى دەپۋتاتىنىڭ الەۋمەتتىك جەلىدەگى جەكە پاراقشاسىنا جاريالانعان.اتالمىش  ۆيدەو روليكتە  يزرايل اسكەرلەرى تۇتقىنعا الىنعان 16 جاستاعى پاليستينالىق حامزا ءابۋ حاشيم ەسىمدى بالانى اياۋسىز قىزمەتتىك يتكە تالاتقان كورىنىستەر بەينەلەنگەن.

ءتىپتى، ابالاعان يتتەرگە ابدەن تالانعان حامزانىڭ جان تۇرشىگەرلىك ءحالىن كورىپ، اراشا تۇسپەك بولعان ءبىر سولداتتى وزگە ارىپتەستەرى "قورقاق، بەيشارا" دەپ مازاقتاعان.

وقيعا ءيزرايلدىڭ باتىسىنداعى ءال-حاليل كەنتىندە ورىن العان. بۇگىندە اتالمىش بەينە-روليك الەۋمەتتىك ورتادا ۇلكەن رەزوناس تۋدىرعانىن ايتا كەتۋ كەرەك.

16 جاستاعى پاليستينا تۇرعىنى يزرايل اسكەرلەرىنە تاس لاقتىرعانى ءۇشىن تۇتقىندالىپ، 6 ايعا تەمىر تورعا توعىتىلعان جانە حامزاعا وسى ارەكەتى ءۇشىن 1000 دوللار كولەمىندە ايىپپۇل سالىنعان.

كەشە اقش پرەزيدەنتى باراك وباما اتالمىش ينسيديەنتكە بايلانىستى كونگرەسس الدىندا ءسوز سويلەدى. سونداي-اق، كونگرەسستىڭ 56 مۇشەسى يزرايل-اقش اراسىنداعى قارىم-قاتىناستاردى تىزبەلەي كەلە، نارازىلىق رەتىندە بويكوت جاريالاعان.

ال ءبىرقاتار باتىس ەلدەرلى يزرايل مەملەكەتىنىڭ يراننىڭ يادرولىق قارۋى تۋرالى باعدارلاماسىن قولداعانىن سىنعا الۋدا.