الماتى قالاسىندا كوك بازاردىڭ ورنىنا جاڭا ساۋدا ورتالىعىن سالۋ جوسپارلانۋدا. الدىمەن ءسۇرۋ جۇمىستارى ماقاتايەۆ كوشەسىندە ورنالاسقان تەرريتوريادان باستالادى.
بۇل تۋرالى ساۋلەت جانە قالا قۇرىلىسى باسقارماسى باسشىسىنىڭ ءبىرىنشى ورىنباسارى جانات ايتىلەۋ مالىمدەدى. "
كوك بازار نارىق شارتتارى كەزىندە جەكە جوبا بايىنشا سالىنعان. سول ۋاقىتتا بازار يەلەرى پاۆيليوندار مەن شاتىرلاردى تۇرعىزعان. ولاردان ءقازىر قۇتىلۋ قاجەت. سەبەبى، ءبىز ولارعا دا ارحيتەكتۋرالىق اكت جاسادىق. سوعان سايكەس، ماقاتايەۆ كوشەسى جاقتان كوك بازاردىڭ الدىندا كەلۋشىلەردىڭ كولىكتەرىنە ارنالىپ كوپ يارۋستى پاركينگ سالىنادى. جوباعا سايكەس بازار تەرريتورياسىندا ورنالاسقان ساۋدا ورتالىقتى جەتىلدىرە ءتۇسۋ قاجەت. سونىمەن قاتار، ماقاتايەۆ پەن جىبەك جولى كوشەلەرىنە دەيىنگى تەرريتوريانى ءسۇرىپ تاستاۋ كەرەك. وسىعان دەيىن بۇل جەر توتەنشە جاعداي ورىن العان جاعدايدا ارنايى تەحنيكالاردىڭ جۇرۋىنە ارنالعان جول بولاتىن"، - دەدى ايتىلەۋ.
ەسكە سالا كەتەيىك، الماتىداعى "باراحولكا" بازارى دا ءسۇرىلىپ، ورنىنا ساۋدا ءۇيى مەن قوناق ۇيلەر سالىنعالى جاتىر.
