"ناشا گازەتا" تىلشىلەرى قوستانايدا عالامشارداعى جاسى ەڭ ۇلكەن ادامداردىڭ ءبىرىن تاپقانىن حابارلادى.
باسىلىم 3 ناۋرىزدا مارپۋعا سالتەتكەنوۆانى 113 جاسقا تولۋىمەن قۇتتىقتادى.
بۇگىندە الەمدەگى ەڭ قارت تۇرعىن وساكاداعى 116 جاسار جاپوندىق قاريا دەپ ەسەپتەلىنەدى. ءبىزدىڭ كوپ جاساعان قوستانايلىق اپامىز رەكوردقا جاقىنداپ قالدى.
"ون جىل بۇرىن ءبىز اپامىزبەن جولىعىپ، وعان زور دەنساۋلىق تىلەگەن بولاتىنبىز. وسى جىلدا، 8 ناۋرىز مەرەكەسىنە قارسى ءبىزدىڭ ءتىلشىمىز فەدور مين اجەمىز جايلى گازەتىمىزگە اقپار بەردى. ءبىز فەدورمەن بىرگە وسى ءبىر تاماشا جاننىڭ تۋعان كۇنىنە انا تۋرالى ولەڭدى سىيعا تارتىپ، قوناق بولىپ قايتتىق. ول ءبىزدى قانداي جىلى قۇشاقپەن قارسى العانىن بىلسەڭىزدەر عوي. داستارحاندا – باۋىرساق پەن قۇيماقتار، جۇزىندە – كۇلكى، ءتىپتى چاستۋشكالار دا ايتىلدى. ال اجەمىز ءتىپتى كەرەمەت جان. ءبىزدىڭ قۇتتىقتاۋىمىزعا جاۋاپ رەتىندە ول اق تىلەكتەرىن جاۋدىرىپ، وزىندەي ۇزاق عۇمىر تىلەدى. بۇل تىلەك ءبىزدىڭ بارلىق وقىرمانعا دا سەپتىك بولار دەگەن ۇمىتتەمىز"، - دەيدى گازەت تىلشىلەرى.
اپانىڭ جاسى رەسمي راستالعان. جەكە كۋالىكتە كەيۋانانىڭ جاسى كورسەتىلگەن
"بۇگىن داستارحان باسىندا اجەمىزدىڭ كەلىندەرى، دوستارى، تانىستارى، مەن – ونىڭ كىندىك قىزى وتىر، – دەپ ءسوز باستادى روزا ءجۇنىسوۆا، - مارپۋعا-اجەمىزدىڭ كەرەمەت ءومىردى سۇيەتىنى سەزىلەدى. ۇلكەن قىزى 89 جاستا، ول دا ءبىر توبە! بۇعان نە سەبەپ ەكەنىن ءبىز جاقسى بىلەمىز – ول ومىرىندە ەشكىمگە جاماندىعى جوق، جاقسىلىققا جانى جاقىن ادام. ءبىزدىڭ ارامىزدا ءالى كوپ جاساعانىن قالايمىز".
