استانا. 5 ناۋرىز. Qamshy.kz – قازاقستان رەسپۋبليكاسىنداعى كاسىپورىنداردىڭ ۇلتتىق بيزنەس-رەيتينگىسىندە «نۇر-قازاقستان» قاجىلىق كومپانياسى 2013-2014 جىلداردىڭ قورتىندىسى بويىنشا «سالا كوشباسشىسى» اتاندى.

استانا قالاسىندا وتكەن ءححىىى حالىقارالىق ەكونوميكالىق فورۋم اياسىندا «نۇر قازاقستان» قاجىلىق كومپانياسىنا، قازاقستان ەكونوميكاسىنىڭ دامۋىنا ۇلەس قوسقانى، وندىرىستىك قىزمەتتىڭ جوعارى ستاندارتتارىن قالىپتاستىرعانى، تيىمدىلىك جانە ەلدىڭ قۇقىقتىق ەكونوميكالىق تۇرعىدان دامىعان مەملەكەت رەتىندەگى حالىقارالىق بەدەلىن قولداعانى ءۇشىن بەرىلەتىن «سالا كوشباسشىسى» قابىرعا مەدالى تابىستالدى. سونىمەن قاتار، اۋقىمى مەن تولەم قابىلەتتىلىگى ينۆەستيسيالىق تارتىمدىلىققا يە بولۋعا مۇمكىندىك بەرەتىن جانە قازاقستان ەكونوميكاسىنىڭ دامۋىنا الەۋمەتتىك ۇلەس قوساتىن شارۋاشىلىق قىزمەتىنىڭ سۋبەكتىلەرىنە، بەلگىلى ءبىر سالاداعى ەكونوميكا كوشباسشىلارىنا تابىستالادى «سالا كوشباسشىسى 2014» ۇلتتىق سەرتيفيكاتى بەرىلدى. كومپانيا پرەزيدەنتى امانگەلدى قاجى ەرەنعايىپ ۇلى مەملەكەتتىك ەكونوميكانى دامىتۋ جانە قازاقستاننىڭ حالىقارالىق بەدەلىن نىعايتۋ سالاسىندا وتان الدىندا ەرەن ەڭبەك ەتكەن تۇلعالارعا جان اياماستان جوعارى قوعامدىق قىزمەت ەتۋ ۇلگىسىن كورسەتكەن ايرىقشا ەڭبەك جەتىستىكتەرى ءۇشىن بەرىلەتىن «داڭىق جۇلدىزى. قازاقستان ەكونوميكاسى» وردەنىمەن ماراپاتتالدى. سونداي-اق، كومپانيا ەسەپشىسى نۇرگۇل قاجى مالايەۆا «جىل مامانى-2014» (جەكە سەرتيفيكات) اتاندى. «جىل مامانى» جەكە سەرتيفيكاتى – ەكونوميكالىق جانە الەۋمەتتىك-مادەني قىزمەتىنىڭ بەلگىلى ءبىر سالاسىندا جۇمىس ىستەيتىن، ادەتتە، ۇزاق مەرزىم ىشىندەگى قىزمەتى مەن باسقارۋ باعىتىنداعى جوعارى ەڭبەك جەتىستىكتەرى جانە كاسىبي شەبەرلىگى اتاپ وتىلگەن تۇلعالارى ماراپاتتالادى. ال، كومپانيا قىزمەتكەرى سىدىقبايەۆا گۇلنيرا قىزمەت كورسەتۋ سالاسىنداعى ۇزاق جىلدىق قىزمەتى، قىزمەتتەردە جوعارى ەڭبەك جەتىستىكتەرىمەن جانە كاسىبي شەبەرلىگىمەن ەرەكشەلەنگەن تۇلعالارعا بەرىلەتىن ەڭبەك جولىنداعى «سىڭىرگەن ەڭبەگى جانە جەتىستىكتەرى ءۇشىن» مەدالىمەن ماراپاتتالدى. ەسكە سالا كەتەيىك، ۇلتتىق بيزنەس-ورتالىعى كەشەندى حالىقارالىق رەيتينگتىك جوبا بولىپ تابىلادى. ۇبر – ۇلتتىق بيزنەس-رەيتينگ. بۇل كەشەندى حالىقارالىق رەيتينگتىك جوبا، تمد ەلدەرى مەن كەدەن وداعىندا كاسىپورىن ناقتى قىزمەتىنە باعا بەرۋشى جەتەكشى كوممەرسيالىق ەمەس جالپى مەملەكەتتىك رەيتينگ رەتىندە كەڭىنەن تانىمال. اتالمىش مەدالدار مەن سەتيفيكاتتار تمد مەملەكەتتەرىندەگى قاجىلىق ساپارىن ۇيىمداستىرۋشى كومپانيالار اراسىندا العاش رەت «نۇر-قازاقستان» قاجىلىق كومپانياسىنا بەرىلىپ وتىر. ورازبەك ساپارحان