ق ر مادەنيەت جانە سپورت مينيسترلىگى تاپسىرىسى بويىنشا «Tanaris Production» كينوكومپانياسى تۇسىرگەن «ۇزىلمەگەن ءۇمىت» كوركەم ءفيلمى رەسەيدە وتكەن حالىقارالىق «سۆەت ميرۋ» كينوفەستيۆالىندە باس جۇلدەنى جەڭىپ الدى، دەپ حابارلايدى Qamshy.kz اقپارات اگەنتتىگى.   

«ۇزىلمەگەن ءۇمىت» ءفيلمىنىڭ رەجيسسەرلەرى – سەرىك ابىشيەۆ جانە رۋسلان ماگومادوۆ.

اتالعان ءفيلمدى حالىقارالىق كينوفەستيۆالدەردە كورسەتىپ، ناسيحاتتاۋدى ش.ايمانوۆ اتىنداعى «قازاقفيلم» اق جۇزەگە اسىرىپ وتىر. 

- ءبىزدىڭ فيلمىمىزگە جوعارى باعا بەرگەن «سۆەت ميرۋ» فەستيۆالىنە جانە ونىڭ قازىلار القاسىنا العىسىم شەكسىز. ءفيلمنىڭ تەڭ رەجيسسەرى رۋسلان ماگومادوۆپەن، سونداي-اق كارتينانىڭ ءتۇسىرۋ توبىمەن بىرلەسىپ مەيىرىمگە تولى،  ادامداردىڭ جۇرەكتەرىنە جىلۋ ۇيالاتىپ، كوڭىلدەرىن نۇرلاندىراتىن فيلم تۇسىرۋگە تىرىستىق، - دەدى رەجيسسەر سەرىك ابىشيەۆ.

فيلمدەگى باستى رولدەردى الماتى جانە الماتى وبلىسى بالالار ءۇيىنىڭ تاربيەلەنۋشىلەرى، سونىمەن قاتار وڭتۇستىك كورەيانىڭ بالالارى سومدادى. كارتينانىڭ نەگىزگى ءتۇسىرۋ جۇمىستارى شىعىس قازاقستان وبلىسىندا وتكەن. ءفيلمنىڭ مۋزىكاسىن ەلىمىزدىڭ تانىمال كومپوزيتورى قۋات شىلدەبايەۆ جازعان. ال، فيلمگە مۋزىكا جازۋ بارىسىندا باتىرحان شۇكەنوۆتىڭ ساكسوفونمەن ورىنداعان يمپروۆيزاسياسى نەگىز بولعان.

ەستەرىڭىزگە سالا كەتسەك، اتالعان فيلم ەڭ العاش گەرمانيادا وتكەن 64ء-شى مانگەيم-حايدەلبەرگ حالىقارالىق كينوفەستيۆالىنىڭ نەگىزگى بايقاۋىندا كورسەتىلگەن بولاتىن. 2016 جىلى فيلمدە باستى ءرولدى سومداعان جاس اكتەر اماگەلدى قۇسايىنوۆ حالىقارالىق «كينومالىشوك» كينوفەستيۆالىندە «ۇزدىك بالا ءرولى» جۇلدەسىمەن ماراپاتتالعان.