"سايلاۋ تۋرالى باستاماعا دا نەگىزىنەن ەلىمىزدەگى ايەلدەر قاۋىمى قولداۋ ءبىلدىردى". اقوردادا حالىقارالىق ايەلدەر كۇنى قارساڭىندا قازاقستان ايەلدەر قاۋىمى وكىلدەرىمەن "كوكتەم شۋاعى" اتتى كەزدەسۋى بارىسىندا پرەزيدەنت نۇرسۇلتان نازاربايەۆ وسىلاي مالىمدەدى. نازاربايەۆ كەزەكتەن تىس سايلاۋعا قاتىسۋعا كۇمانمەن قاراپ وتىر دەپ جازادى "قازاقپارات" "ءقازىر سايلاۋ ناۋقانى باستالىپ تا كەتتى. كەزەكتەن تىس پرەزيدەنتتىك سايلاۋ تۋرالى باستامانى دا نەگىزىنەن ايەلدەر قاۋىمى قولدادى. مەن كۇن سايىن مىڭداعان حاتتار الىپ جاتىرمىن. بۇگىنگى ەرتەڭگىسىن ۇستەلىمدە ءبىر قۇشاق حاتتار كەلدى. ولاردىڭ بارلىعى سايلاۋدى قولداپ، مەنەن ءوز كانديداتۋرامدى ۇسىنۋدى سۇراپ جاتىر"، - دەدى نۇرسۇلتان نازاربايەۆ. "مەنىڭ جەكە جوسپارىم مۇلدەم باسقا بولاتىن، شىنىمدى ايتايىن. قازاقستاندى جىلدار بويى باسقارىپ كەلەمىن، تاۋەلسىزدىكتىڭ العاشقى جىلىنان مەملەكەتتى قالىپتاستىرىپ، قۇردىق. بالكىم، تەاتردا ايتاتىنداي، دەكوراسيانى وزگەرتەتىن دە كەز جەتكەن شىعار. سينگاپۋردىڭ نەگىزىن قالاۋشى لي كۋان يۋ بيلىكتەن كەتكەندە مەن ودان نەگە كەتتىڭىز دەپ سۇراعانمىن. ول سوڭعى ۋاقىتتا تەلەديداردان ءوزىن كورۋ ۇناماي كەتكەنىن ايتقان ەدى. مەندە دە باسقا جوسپارلار بولعان"، - دەدى ەلباسى.

الايدا پرەزيدەنت بۇكىلحالىقتىق تىلەكتەر، ەلدىڭ نيەتى، جۇرتتىڭ قالاۋى بار، ونى دا ەسكەرۋ قاجەت. سوندىقتان دا الداعى جوسپارىمدى، قادامىمدى اقىلداسۋعا دا بولادى دەپ ويلايمىن دەپ تۇيىندەدى.

ەلباسىنىڭ وسى سوزدەرىنەن كەيىن داريعا نازاربايەۆانىڭ كەزەكتەن تىس پرەزيدەنت سايلاۋىنا قاتىسۋى مۇمكىن بە دەگەن وي كەلدى. ەلباسى وسى سايلاۋعا قازاقستانداعى ايەلدەر قاۋىمىنىڭ ايرىقشا اتسالىسىپ وتىرعانىن تەگىن ايتپاسا كەرەك. ال داريعا نۇرسۇلتان قىزى وسىعان دەيىن ساياسات ساحناسىندا ءبىراز قادامدار جاساعانى جۇرتقا ايان. 1992 جىلى "بوبەك" قورىنىڭ ۆيسە-پرەزيدەنتى بولعان ول، 1994 جىلدان باستاپ "حابار" اگەنتتىگىن باسقارادى. 2003 جىلدىڭ قازانىندا "اسار" پارتياسىن قۇرىپ، 2006 جىلعا دەيىن پارتيا ءتورايىمى بولدى. ال 2006 جىلى داريعا نۇرسۇلتان قىزىنىڭ پارتياسى بيلىك باسىنداعى "وتان" پارتياسىنا قوسىلادى، كەيىن پارتيا اتاۋى "نۇر وتان" بولىپ وزگەرتىلدى. 2012 جىلعى پارلامەنت دەپۋتاتتارىن سايلاۋ كەزىندە "ءماجىلىس" كومميتەتىن باسقارادى. ال 2014 جىلى دەپۋتاتتاردىڭ ءبىر اۋىزدان قولداۋىنا يە بولىپ، تومەنگى پالاتانىڭ ۆيسە-سپيكەرى اتاندى.

ءسىز نە دەيسىز، وقىرمان؟

[poll id="8"]