جۋىردا قىرعىزستان اسحانالارىندا تاماققا ەسەكتىڭ ەتى قولدانىلعانى تۋرالى اقپارات تاراعانى بەلگىلى. قىزعىزسىتاندىق بۇقارالىق اقپارات قۇرالدارى قويمادا تابىلعان ەسەك ەتى ارنايى قىرعىز-تۇرىك ليسەيلەرىنىڭ اسحانالارىنا جەتكىزىلگەن دەگەن اقپارات تاراتقان بولاتىن. وسىعان وراي "سەبات" ءبىلىم بەرۋ مەكەمەسى جەتەكشىلەرى تۇركيالىق باسىلىم بەتتەرىنە ليسەيلەر تۋرالى جالعان اقپارات تاراتۋشىلاردى سوتقا بەرەتىندىكتەرىن ايتقان. بۇل تۋرالى قىرعىزستاننىڭ توقموق قالاسىنداعى كىرعىز-تۇرىك ليسەيىنىڭ ديرەكتورى نۋرلان كۋدايبەردييەۆ "توقموقتاعى ليسەيلەرگە ەسەكتىڭ ەتى تاسىمالدانعان جانە وسىنىڭ سالدارىنان وقۋشىلار ۋلانعان دەگەن مالىمەت جالعان. ءبىزدى قارالاۋ ءۇشىن ادەيى جاسالعان. بۇل جالا. ءبىز وسى ءىستى اياعىنا دەيىن شىعارۋ ءۇشىن جالعان اقپارات تاراتۋشىلاردى سوتقا بەرەتىن بولامىز" دەيدى. سونداي-اق، كۋدايبەردييەۆ حالىقارالىق ءبىلىم بەرۋ ءىسىن قاداعالاۋشى ورگاندارعا اتالمىش ماسەلە بويىنشا جۇگىنبەك. جاقىندا عانا تۇركيالىق باسىلىمعا "قىرعىز-تۇرىك ليسەيىندە وقۋشىلار ەسەك ەتىنەن ۋلانعان" دەگەن ماقالا جارىق كورگەن بولاتىن. كەيىننەن بەلگىلى بولعانداي مەملەكەتتىك سانەپيدەميولوگيالىق قىزمەتكەرلەرى "وقۋشىلاردىڭ ۋلانۋى سەبەبى ەسەك ەتىنەن ەمەس" دەگەن قورىتىندى شىعارعان.
