ءانشى ءارى اكتريسا مەرۋەرت تۇسىپبايەۆا سوڭعى كەزدەرى پسيحولوگتىڭ كومەگىنە جۇگىنۋگە ءماجبۇر بولعان. وسى ۋاقىتقا دەيىن سەرىك ەتكەن سپورتتى ءانشى تاستاپتى.
"سىرتقى كەلبەتىمە دە كوڭىلىم تولماي ءجۇر. ءبىراق، ديەتا ۇستاۋعا، بيمەن اينالىسۋعا دا ىنتام جوق"، - دەيدى حالىق ءارتىسى. تىپتەن كوپتەگەن تۇسىرىلىمدەر مەن شاقىرتۋلارعا دا بارماي ءجۇر ەكەن.
مەرۋەرت تۇسىپبايەۆا ۇلى نۇرعيساعا تاڭعى اس ازىرلەپ جاتىر. ول ادەتتە سۇتتەن بوتقا دايىنداپ، ءتۇرلى كوكونىستەردەن شىرىن جاساپ بەرەدى ەكەن.
ءانشى سوڭعى كەزدەرى ەشتەڭەگە قۇلقى بولماي جۇرگەنىن جاسىرمايدى. كەيدە ءتۇس اۋعانشا ۇيىقتاپ، وزىنە قوڭىراۋ شالعاندارعا جاۋاپ تا بەرمەي قويادى ەكەن. ول مۇنداي جاعدايعا تۇسۋىنە "ءبىر ماسەلەنىڭ پايدا بولۋى سەبەپ بولدى" دەپ عانا جاۋاپ بەردى. اشىق ايتقىسى كەلمەدى.
كەي كۇندەرى ۇلى نۇرعيساعا ءتۇرلى كوكونىستەردەن شىرىن ازىرلەپ بەرگەندى ۇناتادى.
نۇرعيسانى مەكتەبىنە جىبەرگەن ءانشى ءوزى دە ساباعىنا اسىعادى. تۇسىپبايەۆا قمقپۋ-دە ۆوكالدان شاكىرت تاربيەلەيدى.
"ۆوكالدان ساباق بەرۋدىڭ ءوزى ۇلكەن كۇشتى تالاپ ەتەدى. ءار ءبىر ستۋدەنتىمە جانىمدى سالىپ ۇيرەتەمىن دەپ ايتا الامىن"، - دەيدى تۇسىپبايەۆا.
ءانشىنىڭ تابىنۋشىلارى دا از ەمەس. ءبىرى سۋرەتىن سالسا، باسقالارى ەتىن اسىپ ۇيىنە وتباسىلىق مەرەكەسىنە ءجيى شاقىرادى ەكەن. مۇنداي ساتتەر ونەر ادامىنىڭ باستى پروبلەمانى ۇمىتۋىنا ايتارلىقتاي سەپتىگىن تيگىزەرى راس.
ءانشى سۇلۋلىق سالونىندا تىرناعىن ساندەپ وتىر.
ساحناعا شىعار الدىندا تۇسىپبايەۆانىڭ شاشىن "كەشيۋ" توبىنىڭ ءانشىسى جۇلدىز ءومىرعالي ساندەپ جاتىر.
ءانشى تەلەارنالاردىڭ بىرىندەگى تۇسىرىلىمگە قاتىسۋدا.
مەرۋەرت تۇسىپبايەۆا "مەنىڭ ەركەكتەرىم" دەگەن كىتاپ جازىپ جاتقانىن ايتقان ەدى. ونى دا قولىنا الماعالى كوپ بولىپتى. بۇل كىتاپقا بايلانىستى جۋرناليستەردىڭ تاراتقان ماعلۇماتىنا كوڭىلى تولماپتى.
"مەنىڭ ەركەكتەرىم" دەگەن ورىس تىلىندە ايتىلعاندا دۇرىسىراق، جاعىمدى ەستىلەدى. ال ءبىزدىڭ قازاق ءتىلدى جۋرناليستەر الدى دا ونى مازاق ەتكەندەي ەتىپ ءتۇسىندىردى حالىققا. "مەنىڭ ەركەكتەرىم" دەگەن ەسسە جانىرىنداعى شىعارمام، ول مەنىڭ سۇيىكتىم بولعان ازاماتتار جايلى ەمەس. مەنىڭ ومىرىمدە ورىن العان ەر ازاماتتار جايلى. ول مەنىڭ اكەم، اعام، ءىنىم، بالام جايلى ەدى نەگىزىنەن"، - دەيدى ءانشى.
