«Disney» انيماسيالىق ءفيلمنىڭ «كۇلشە-قىز» ەرتەگىسى كينەماتوگرافيا تاريحىنداعى ءىرى فيلمدەردىڭ ءبىرى بولىپ تابىلادى. ونىڭ جاسالۋىنا ۋولت ديسنەي ءوزى قاتىسقان. بۇگىنگى كۇنى «Disney» كومپانياسى مەن «قازاقستان» ۇلتتىق ارناسىنىڭ ىنتىماقتاستىعىنىڭ ارقاسىندا قازاقستاندىق كورەرمەندەر وسىناۋ تاماشا انيماسيالىق ءفيلمدى وزدەرىنىڭ انا تىلىندە، ياعني قازاق تىلىندە كورە الادى»، - دەپ پىكىرىن ءبىلدىردى «ۋولت ديسنەي كومپاني سنگ» ااق باس ديرەكتورى مارينا جيگالوۆا-وزكان.

13 كەيىپكەر جانە ولاردىڭ بەينەسىندەگى قازاقستاندىق اكتەرلار بويجەتكەننىڭ باسىنان وتكەن سەزىمگە تولى، ادەمى حيكاياسىن باياندايدى. ايتا كەتەتىن جايت، ءتۇپنۇسقادا 9 اكتەر بولسا، ولاردىڭ ەكەۋى كەيىپكەر-ادامداردى سويلەتىپ قانا قويماي، سونىمەن قاتار 2 تىشقاندى دا سويلەتتى.

«كۇلشە-قىز» كوپ جوبالاردىڭ ءبىرى بولىپ قانا قويماي، «قازاقستان» كورپوراسياسىنىڭ كينوكورسەتىلىم جانە دۋبلياج ءبولىمىنىڭ جۇمىس توبىنا بەرىلگەن زور مۇمكىندىك بولدى. «قازاقستان» رترك كينوكورسەتىلىم جانە دۋبلياج ءبولىمىنىڭ باستىعى گۇلنار راحيموۆا: «كۇلشە-قىز» مۋزىكالىق مۋلتفيلم. كوپتەگەن ادەمى كومپوزيسيالارعا تولى، ولاردى ءتيىستى تۇردە ورىنداۋ مىندەتى بىزگە جۇكتەلدى. سوندىقتان استانا قالاسى اكىمدىگىنىڭ مەملەكەتتىك فيلارمونياسىنىڭ كامەرالىق حورىن قاتىستىردىق».

8-ناۋرىز كۇنى «The Walt Disney Company» مۋلتيمەديالىق يمپەريانىڭ كلاسسيكالىق شىعارماسى قازاق تىلىندە «قازاقستان» تەلەارناسىنىڭ ەفيرىندە ساعات 16.45-تە كورسەتىلەدى. 9-ناۋرىز كۇنى ساعات 13.10-دە قايتالاۋى كورسەتىلەدى.