بۇگىن اقش-تىڭ اۋەدەگى اسكەرلەرى  ءيم-نىڭ  ءمۇناي وندىرەتىن زاۋىتىن  بومبالادى دەپ حابارلايدى Qamshy.kz پورتالى. كواليسيالىق كۇشتەردىڭ قولباسشىلىعىمەن جەكسەنبىدەن دۇيسەنبىگى قاراعان ءتۇنى اقش-تىڭ اۋە اسكەرلەرى  سيريانىڭ تۇركيامەن شەكارالاس ايماعىندا ورنالاسقان ءيشيم-نىڭ ءسۇيىق وتىن وندىرىلەتىن  (نپز) قويماسىن بومبالاعان. تۇركيالىق جانە سيريالىق باسىلىمداردا شابۋىلدان 30 ادامنىڭ قازا بولعاندىعى جازىلعان. سيريانىڭ  لوندونداعى "ادام قۇقىقتارى" جونىندەگى رەسمي وكىلى رامي ابدۋلراحمان: - اقش اۋە اتقىشتارى سيريانىڭ تۇركيامەن شەكارالاس ايماعىندا ورنالاسقان ءيشيم-نىڭ  مۇناي بازاسىنا شابۋىل جاساعانى راس. ول ايماقتا قازا بولعاندار - يشيم  سودىرلارى. رەسمي اقپاراتتاردا قازا تاپقانداردىڭ سانى 30 ادام دەپ كورسەتىلگەن. ءالى تولىق تەكسەرۋ جۇمىستارى جۇرگىزىلگەن جوق. سوندىقتان بۇل سيفرلار ءالى بىرنەشە ەسە ءوسۋى مۇمكىن" - دەدى. بىرىككەن ۇلتتار ۇيىمىنىڭ قاراشاداعى بايانداماسىندا "راديكالدى ۇيىمنىڭ قول استىنا وتكەن يسادور مۇناي ءوندىرۋشى بازاسى كۇنىنە 846 مىڭ توننا ءونىم وندىرەدى. بۇل كىرىستىڭ 1،6 ميلليون  دوللارى " دەلىنگەن.