ەۋروكوميسسيا پرەزيدەنتى جان-كلود يۋنكەر بىرىككەن ەۋروپا اسكەرىن قۇرۋ تۋرالى باستاما كوتەردى. بۇل تۋرالى Qamshy.kz  پورتالى حابارلايدى. ەۋرازيالىق وداق باسشىلارى ءبىر اۋىزدان بىرىككەن ەۋروپا ارمياسىن قۇرۋ يدەياسىن قولداعان. ەۋروكوميسسيا پرەزيدەنتى جان-كلود يۋنكەردىڭ بۇل باستاماسىنا العاشقىلاردىڭ ءبىرى بولىپ  فينليانديا پرەزيدەنتى ءۇن قاتتى. ەۋروكوميسسيا وكىلى مينا اندرەيەۆ بىرىككەن ەۋروپا ارمياسىن قۇرۋ تۋرالى يدەيانى شىلدەدە وتەتىن ەۋرو وداقتىڭ جيىنىندا تالقىلايتىنىن ايتتى. جاقىندا ەۋروكوميسسيا باسشىسى جان-كلود يۋنكەر پارلاماەنت مۇشەلەرىن بىرىككەن ارميا قۇرۋعا شاقىرعان بولاتىن. "بىرىككەن ەۋروپا ارمياسىن قۇرۋ - الەمدە بولىپ جاتقان ءتۇرلى ساياسي-قوعامدىق ماسەلەلەرگە ءۇن قوسۋ ءۇشىن، ەگەر الەمدىك ساياساتتا توسىن كەلەڭسىزدىكتەر تۋعان جاعدايدا وپەراتيۆتى ارەكەت ەتۋ ءۇشىن ماڭىزدى"،-دەدى جان-كلود يۋنكەر. ال ەۋروكميسسيا باسشىسىنىڭ بۇل يدەياسىن ءبىرقاتار نەمىس دەپۋتاتتارى قولداپ وتىر. سونداي-اق، بىرىككەن ارميا قۇرۋ يدەياسىنا فينليانديا پرەزيدەنتى ساۋلي نيينيستە دە قولداۋ بىلدىرگەن. جاقىن ارالىقتا ەك پرەزيدەنتى  ەو-نىڭ حالىقارالىق ساياسي-قاۋىپسىزدىك جونىندەگى جوعارعى وكىلى فەدەريك موگەرينيمەن اقىلداسا وتىرىپ، بىرىككەن ەۋروپا ارمياسىن قۇرۋ تۋرالى جوسپارىن شىلدەدەگى كەڭەسكە  ازىرلەيتىندەرىن ايتتى.