باتىس قازاقستان وبلىسىندا مۇعالىمگە بوقاۋىز ءسوز ايتقان وقۋشىعا اكىمشىلىك ايىپ تاعىلدى. بۇل تۋرالى Qamshy.kz پورتالى حابارلايدى. ورال قالاسىندا ورتا مەكتەپتىڭ وقۋشىسى ساباق ۋاقىتىندا قۇلاققاپپەن اۋەن تىڭداپ وتىرعانى ءۇشىن ەسكەرتۋ جاساعان مۇعالىمگە قاتتى داۋىس كوتەرگەن. وقىتۋشىنىڭ ەسكەرتۋىنە قۇلاق اسپاعان ءجاسوسپىرىم كەرىسىنشە ءمۇعالىمنىڭ ار-ۇجدانىنا تيەتىن اۋىر سوزدەرمەن بالاعاتتاعان. سىنىپتاعى بارلىق بالالاردىڭ الدىندا وقۋشىسىنان ۇياتسىز سوزدەر ەستىگەن ءمۇعالىم قۇقىق قورعاۋ ورگانىنا شاعىمدانعان. تيىسىنشە، ءمۇعالىمنىڭ ارىز-تالابىن ەسكەرگەن قۇقىق قورعاۋشىلار وقۋشىنىڭ ەرسى ارەكەتىنە قاتىستى اكىمشىلىك پروتوكول تولتىرعان. بقو ءىىد باسپا ءسوز قىزمەتىنىڭ حابارلاۋىنشا اتالمىش ينسيديەنتكە قاتىستى تەكسەرۋ جۇمىستارى اياقتالعان. ورال قالالىق مامانداندىرىلعان اۋدانارالىق سوتى وقىشۋنۋڭ اتا-اناسىنا 13 874 تەڭگە ايىپ پۇل سالعان.