الماتى. 11 ناۋرىز. Qamshy.kz - بۇگىن استانادا "نۇر وتان" پارتياسىنىڭ XVI كەزەكتى سەزى بارىسىندا مەملەكەت جانە قوعام قايراتكەرى كەنجەعالي ساعادييەۆ ەلباسى نۇرسۇلتان ءابىش ۇلى نازاربايەۆقا قازاقستاندا بيىل 26 ساۋىردە وتەتىن كەزەكتەن تىس وتكىزىلىتىن پرەزيدەنت سايلاۋىنا ۇمىتكەر رەتىندە قاتىسۋىن ۇسىندى. استاناداعى تاۋەلسىزدىك سارايىندا كۇن تارتىبىنە سايكەس ءسوز العان اكادەميك، قوعام قايراتكەرى كەنجەعالي ساعادييەۆ قازىرگى تاڭداعى دۇنيە ءجۇزىن شارپىعان الەمدىك داعدارىستى، كورشى ەلدەردەگى ساياسي تۇراقسىزدىق پەن قاقتىعىستاردى تىلگە تيەك ەتە كەلە، وسىنداي الماعايىپ كەزەڭدە "ەل تىزگىنىن نىق ۇستايتىن پرەزيدەنتتى سايلاۋدىڭ ماڭىزى وتە جوعارى ەكەنىن" ايتتى. ال "ەل باسقارۋ قابىلەتى مەن دارىنى، اقىلى مەن پاراساتى بيىك ۇمىتكەردى ەلدەگى جەتەكشى پارتيا رەتىندە "نۇر وتاندىقتار" تاعايىنداۋى ءتيىس" دەپ ويىن توپشىلاعان ساعادييەۆ، قازىرگى كۇندەگى جالپى حالىقتىڭ باسىم كوپشىلىگىندە قازاقستاننىڭ پرەزيدەنتى لاۋازىمىنا لايىق تەك ءبىر عانا ادامنىڭ ەسىمىن كەلتىرەتىنىن جانە سول كىسىنىڭ "نۇر وتان" پارتياسىنىڭ ءتوراعاسى نۇرسۇلتان نازاربايەۆ ەكەنىن دە جەتكىزدى. وسىنىڭ بارلىعىن ەسكەرە كەلە اكادەميك، "ءبىز، نۇروتاندىقتار، پارتيا اتىنان ق ر پرەزيدەنتتىگىنە ۇمىتكەر رەتىندە ن. نازاربايەۆتى ۇسىنايىق جانە وسىعان كەلىسىمىن سۇرايىق"،-دەپ اتاپ ءوتتى. ال ءوز كەزەگىندە پرەزيدەنت نازاربايەۆ سايلاۋعا قاتىسۋعا كەلىسىمىن بەردى. «مەن سىزدەردىڭ الدارىڭىزعا كەلىپ، ءسوز سويلەۋدەمىن. ءوز كانديداتۋرامدى تەك ءبىر ماقسات ءۇشىن عانا، الدىمىزدا تۇرعان قيىن مىندەتتەردى شەشۋگە باعىتتالعان جاڭا مىندەتتەردى ۇسىنۋ ءۇشىن عانا ۇسىناتىن بولامىن. مەن قالاي پرەزيدەنت بولۋ كەرەك جانە ول نە ايتۋ كەرەك دەگەن ساۋالدارعا: «ادام سايلاۋعا ءوز حالقىڭنىڭ ءومىرىن جاقسارتۋ ءۇشىن ناقتى باعدارلامالارى مەن ماقساتتارى بولعاندا عانا بارۋى كەرەكتىگىن» ايتامىن. ەگەر ونداي ماقساتىڭ مەن مىندەتىڭ بولماسا، وندا سايلاۋعا قاتىسۋدىڭ دا قاجەتى جوق»، - دەدى ەلباسى.